وحشت تھی ہمیں بھی وہی گھر بار سے اب تک
سر مارے ہیں اپنے در و دیوار سے اب تک

wahshat thi hamein bhi wohi ghar baar se ab tak
sar maare hain apne dar o deewaar se ab tak

वहशत थी हमें भी वही घर बार से अब तक
सर मारे हैं अपने दर ओ दीवार से अब तक

مرتے ہی سنا ان کو جنہیں دل لگی کچھ تھی
اچھا ہوا کوئی اس آزار سے اب تک

marte hi suna un ko jinhein dil lagi kuchh thi
achha hua koi is aazaar se ab tak

मरते ही सुना उन को जिन्हें दिल लगी कुछ थी
अच्छा हुआ कोई इस आज़ार से अब तक

جب سے لگی ہیں آنکھیں کھلی راہ تکے ہیں
سوئے نہیں ساتھ اس کے کبھو پیار سے اب تک

jab se lagi hain aankhen khuli raah take hain
soye nahin saath us ke kabhu pyaar se ab tak

जब से लगी हैं आँखें खुली राह तके हैं
सोये नहीं साथ उस के कभू प्यार से अब तक

آیا تھا کبھو یار سو معمول ہم اس کے
بستر پہ گرے رہتے ہیں بیمار سے اب تک

aaya tha kabhu yaar so maamool hum us ke
bistar pe gire rehte hain beemaar se ab tak

आया था कभू यार सो मामूल हम उस के
बिस्तर पे गिरे रहते हैं बीमार से अब तक

بد عہدیوں میں وقت وفات آن بھی پہنچا
وعدہ نہ ہوا ایک وفا یار سے اب تک

bad-ahdiyon mein waqt-e-wafaat aan bhi pahuncha
waada na hua ek wafa yaar se ab tak

बद-अह्दियों में वक़्त-ए-वफ़ात आन भी पहुँचा
वादा न हुआ एक वफ़ा यार से अब तक

ہے قہر و غضب دیکھ طرف کشتے کے ظالم
کرتا ہے اشارت بھی تو تلوار سے اب تک

hai qahr o ghazab dekh taraf kushte ke zaalim
karta hai ishaarat bhi to talwaar se ab tak

है क़हर ओ ग़ज़ब देख तरफ़ कुश्ते के ज़ालिम
करता है इशारत भी तो तलवार से अब तक

کچھ رنج دلی میرؔ جوانی میں کھنچا تھا
زردی نہیں جاتی مرے رخسار سے اب تک

kuchh ranj-e-dili Meerؔ jawani mein khincha tha
zardi nahin jaati mere rukhsaar se ab tak

कुछ रंज-ए-दिली मीरؔ जवानी में खिंचा था
ज़र्दी नहीं जाती मेरे रुख़्सार से अब तक