خاطر کرے ہے جمع وہ ہر بار ایک طرح
کرتا ہے چرخ مجھ سے نئے یار ایک طرح

Khatir kare hai jama woh har baar ek tarah
Karta hai charkh mujh se naye yaar ek tarah

ख़ातिर करे है जमा वो हर बार एक तरह
करता है चर्ख़ मुझ से नए यार एक तरह

میں اور قیس و کوہ کن اب جو زباں پہ ہیں
مارے گئے ہیں سب یہ گنہ گار ایک طرح

Main aur Qais o Koh-kan ab jo zubaan pe hain
Maare gaye hain sab yeh gunahgaar ek tarah

मैं और क़ैस ओ कोह-कन अब जो ज़बाँ पे हैं
मारे गए हैं सब यह गुनहगार एक तरह

منظور اس کو پردے میں ہیں بے حجابیاں
کس سے ہوا دو چار وہ عیار ایک طرح

Manzoor us ko parde mein hain be-hijaabiyan
Kis se hua do chaar woh ayyar ek tarah

मंज़ूर उस को परदे में हैं बे-हिजाबियाँ
किस से हुआ दो चार वो अय्यार एक तरह

سب طرحیں اس کی اپنی نظر میں تھیں کیا کہیں
پر ہم بھی ہو گئے ہیں گرفتار ایک طرح

Sab tarahein us ki apni nazar mein theen kya kahein
Par hum bhi ho gaye hain giraftaar ek tarah

सब तरहें उस की अपनी नज़र में थीं क्या कहें
पर हम भी हो गए हैं गिरफ़्तार एक तरह

گھر اس کے جا کے آتے ہیں پامال ہو کے ہم
کریے مکاں ہی اب سر بازار ایک طرح

Ghar us ke ja ke aate hain paamaal ho ke hum
Kariye makaan hi ab sar-e-bazaar ek tarah

घर उस के जा के आते हैं पामाल हो के हम
करिए मकाँ ही अब सर-ए-बाज़ार एक तरह

گہ گل ہے گاہ رنگ گہے باغ کی ہے بو
آتا نہیں نظر وہ طرح دار ایک طرح

Gah gul hai gaah rang gahe baagh ki hai boo
Aata nahin nazar woh tarah-daar ek tarah

गह गुल है गाह रंग गहे बाग़ की है बू
आता नहीं नज़र वो तरह-दार एक तरह

نیرنگ حسن دوست سے کر آنکھیں آشنا
ممکن نہیں وگرنہ ہو دیدار ایک طرح

Nairang-e-husn-e-dost se kar aankhein aashna
Mumkin nahin wagarna ho deedar ek tarah

नैरंग-ए-हुस्न-ए-दोस्त से कर आँखें आश्ना
मुमकिन नहीं वगरना हो दीदार एक तरह

سو طرح طرح دیکھ طبیبوں نے یہ کہا
صحت پذیر ہوئے یہ بیمار ایک طرح

Sau tarah tarah dekh tabeebon ne yeh kaha
Sehat-pazeer huye yeh bemaar ek tarah

सौ तरह तरह देख तबीबों ने यह कहा
सेहत-पज़ीर हुए यह बीमार एक तरह

سو بھی ہزار طرح سے ٹھہراوتے ہیں ہم
تسکین کے لیے تری ناچار ایک طرح

Sau bhi hazaar tarah se thehraute hain hum
Taskeen ke liye tri naachaar ek tarah

सौ भी हज़ार तरह से ठहरावते हैं हम
तसकीन के लिए त्रि नाचार एक तरह

بن جی دئیے ہو کوئی طرح فائدہ نہیں
گر ہے تو یہ ہے اے جگر افگار ایک طرح

Bin ji diye ho koi tarah faaida nahin
Gar hai to yeh hai ae jigar-afgaar ek tarah

बिन जी दिए हो कोई तरह फ़ाएदा नहीं
गर है तो यह है ऐ जिगर-अफ़गार एक तरह

ہر طرح تو ذلیل ہی رکھتا ہے میرؔ کو
ہوتا ہے عاشقی میں کوئی خوار ایک طرح

Har tarah to zaleel hi rakhta hai Mir ko
Hota hai aashiqui mein koi khwaar ek tarah

हर तरह तो ज़लील ही रखता है मीरؔ को
होता है आशिक़ी में कोई ख़्वार एक तरह