ہم بھی پھرتے ہیں یک حشم لے کر
دستۂ داغ و فوج غم لے کر

Hum bhi phirte hain yak hasham le kar
Dasta-e-daagh o fauj-e-gham le kar

हम भी फिरते हैं यक हशम ले कर
दस्त-ए-दाग़ ओ फ़ौज-ए-ग़म ले कर

دست کش نالہ پیش رو گریہ
آہ چلتی ہے یاں علم لے کر

Dast-kash naala pesh-rau girya
Aah chalti hai yaan alam le kar

दस्त-कश नाला पेश-रौ गिर्या
आह चलती है याँ अलम ले कर

مرگ اک ماندگی کا وقفہ ہے
یعنی آگے چلیں گے دم لے کر

Marg ik maandagi ka waqfa hai
Yaani aage chalenge dam le kar

मर्ग इक मानदगी का वक़्फ़ा है
यानी आगे चलेंगे दम ले कर

اس کے اوپر کہ دل سے تھا نزدیک
غم دوری چلے ہیں ہم لے کر

Us ke upar ke dil se tha nazdeek
Gham-e-doori chale hain hum le kar

उस के ऊपर कि दिल से था नज़दीक
ग़म-ए-दूरी चले हैं हम ले कर

تیری وضع ستم سے اے بے درد
ایک عالم گیا الم لے کر

Teri waza-e-sitam se ae be-dard
Ek aalam gaya alam le kar

तेरी वज़अ-ए-सितम से ऐ बे-दर्द
एक आलम गया अलम ले कर

بارہا صید گہ سے اس کی گئے
داغ یاس آہوئے حرم لے کر

Baarha said-gah se us ki gaye
Daagh-e-yaas o aahu-e-haram le kar

बारहा सैद-गाह से उस की गए
दाग़-ए-यास ओ आहू-ए-हरम ले कर

ضعف یاں تک کھنچا کہ صورت گر
رہ گئے ہاتھ میں قلم لے کر

Zo'f yaan tak khincha ke surat-gar
Reh gaye haath mein qalam le kar

ज़ोफ़ याँ तक खिंचा कि सूरत-गर
रह गए हाथ में क़लम ले कर

دل پہ کب اکتفا کرے ہے عشق
جائے گا جان بھی یہ غم لے کر

Dil pe kab iktifa kare hai ishq
Jaayega jaan bhi yeh gham le kar

दिल पे कब इक्तिफ़ा करे है इश्क़
जाएगा जान भी यह ग़म ले कर

شوق اگر ہے یہی تو اے قاصد
ہم بھی آتے ہیں اب رقم لے کر

Shauq agar hai yahi to ae qaasid
Hum bhi aate hain ab raqam le kar

शौक़ अगर है यही तो ऐ क़ासिद
हम भी आते हैं अब रक़म ले कर

میرؔ صاحب ہی چوکے اے بد عہد
ورنہ دینا تھا دل قسم لے کر

Mir saahab hi chooke ae bad-ahd
Varna dena tha dil qasam le kar

मीर साहब ही चूके ऐ बद-अहद
वरना देना था दिल क़सम ले कर