دل بہم پہنچا بدن میں تب سے سارا تن جلا
آ پڑی یہ ایسی چنگاری کہ پیراہن جلا

Dil baham pahuncha badan mein tab se sara tan jala
A padi ye aisi chingari ki pairahan jala

दिल बहम पहुँचा बदन में तब से सारा तन जला
आ पड़ी ये ऐसी चिंगारी कि पैराहन जला

سرکشی ہی ہے جو دکھلاتی ہے اس مجلس میں داغ
ہو سکے تو شمع ساں دیجے رگ گردن جلا

Sarkashi hi hai jo dikhlati hai is majlis mein daagh
Ho sake to shama saa'n deeje rag-e-gardan jala

सरकशी ही है जो दिखलाती है इस मजलिस में दाग़
हो सके तो शम्अ साँ दीजे रगे-गर्दन जला

بدر ساں اب آخر آخر چھا گئی مجھ پر یہ آگ
ورنہ پہلے تھا مرا جوں ماہ نو دامن جلا

Badr saa'n ab aakhir aakhir chha gayi mujh par ye aag
Wrna pehle tha mera joo'n maah-e-nau daaman jala

बद्र साँ अब आख़िर आख़िर छा गयी मुझ पर ये आग
वरना पहले था मेरा जूँ माह-ए-नौ दामन जला

کب تلک دھونی لگائے جوگیوں کی سی رہوں
بیٹھے بیٹھے در پہ تیرے تو مرا آسن جلا

Kab talak dhooni lagaye jogiyon ki si rahoon
Baithe baithe dar pe tere to mera aasan jala

कब तलक धूनी लगाये जोगियों की सी रहूँ
बैठे बैठे दर पे तेरे तो मेरा आसन जला

گرمی اس آتش کے پر کالے سے رکھے چشم تب
جب کوئی میری طرح سے دیوے سب تن من جلا

Garmi is aatish ke pur-kaalay se rakhe chashm tab
Jab koi meri tarah se deewe sab tan-man jala

गर्मी इस आतिश के पुर-काले से रखे चश्म तब
जब कोई मेरी तरह से दीवे सब तन-मन जला

ہو جو منت سے تو کیا وہ شب نشینی باغ کی
کاٹ اپنی رات کو خار و خس گلخن جلا

Ho jo minnat se to kya wo shab-nashini baagh ki
Kaat apni raat ko khaar-o-khas gulkhn jala

हो जो मन्नत से तो क्या वो शब-नशीनी बाग़ की
काट अपनी रात को ख़ार-ओ-ख़स गुलख़न जला

سوکھتے ہی آنسوؤں کے نور آنکھوں کا گیا
بجھ ہی جاتے ہیں دیئے جس وقت سب روغن جلا

Sookhte hi aansuon ke noor aankhon ka gaya
Bujh hi jaate hain diye jis waqt sab roghan jala

सूखते ही आँसुओं के नूर आँखों का गया
बुझ ही जाते हैं दिये जिस वक़्त सब रोग़न जला

شعلہ افشانی نہیں یہ کچھ نئی اس آہ سے
دوں لگی ہے ایسی ایسی بھی کہ سارا بن جلا

Shola-afshani nahi ye kuch nayi is aah se
Do lagi hai aisi aisi bhi ki sara ban jala

शोला-अफ़शानी नहीं ये कुछ नयी इस आह से
दो लगी है ऐसी ऐसी भी कि सारा बन जला

آگ سی اک دل میں سلگے ہے کبھو بھڑکی تو میرؔ
دے گی میری ہڈیوں کا ڈھیر جوں ایندھن جلا

Aag si ek dil mein sulge hai kabho bhadki to Mir
De gi meri haddiyon ka dher joo'n indhan jala

आग सी एक दिल में सुलगे है कबहू भड़की तो मीर
देगी मेरी हड्डियों का ढेर जूँ ईंधन जला