دل کی طرف کچھ آہ سے دل کا لگاؤ ہے
ٹک آپ بھی تو آئیے یاں زور باؤ ہے

Dil ki taraf kuch aah se dil ka lagaao hai
Tuk aap bhi to aaiye yaan zor baao hai

दिल की तरफ़ कुछ आह से दिल का लगाओ है
टुक आप भी तो आईए याँ ज़ोर बाओ है

اٹھتا نہیں ہے ہاتھ ترا تیغ جور سے
ناحق کشی کہاں تئیں یہ کیا سبھاؤ ہے

Uthta nahin hai haath tira tegh-e-jor se
Naahaq kashi kahaan taeen yeh kya subhaao hai

उठता नहीं है हाथ तिरा तेग़-ए-जोर से
नाहक़ कशी कहाँ तईं यह क्या सुभाओ है

باغ نظر ہے چشم کے منظر کا سب جہاں
ٹک ٹھہرو یاں تو جانو کہ کیسا دکھاؤ ہے

Bagh-e-nazar hai chashm ke manzar ka sab jahaan
Tuk thehro yaan to jaano ke kaisa dikhaao hai

बाग़-ए-नज़र है चश्म के मंज़र का सब जहाँ
टुक ठहरो याँ तो जानो कि कैसा दिखाओ है

تقریب ہم نے ڈالی ہے اس سے جوئے کی اب
جو بن پڑے ہے ٹک تو ہمارا ہی داؤ ہے

Taqreeb hum ne daali hai us se juye ki ab
Jo ban pade hai tuk to hamaara hi daao hai

तक़रीब हम ने डाली है उस से जुए की अब
जो बन पड़े है टुक तो हमारा ही दाओ है

ٹپکا کرے ہے آنکھ سے لوہو ہی روز و شب
چہرے پہ میرے چشم ہے یا کوئی گھاؤ ہے

Tapka kare hai aankh se lohu hi roz o shab
Chehre pe mere chashm hai ya koi ghaao hai

टपका करे है आँख से लोहू ही रोज़-ओ-शब
चेहरे पे मेरे चश्म है या कोई घाओ है

ضبط سرشک خونیں سے جی کیونکے شاد ہو
اب دل کی طرف لوہو کا سارا بہاؤ ہے

Zabt-e-sarishk-e-khooneen se jee kyonke shaad ho
Ab dil ki taraf lohu ka saara bahaao hai

ज़ब्त-ए-सरिश्क-ए-ख़ूनीं से जी क्योंके शाद हो
अब दिल की तरफ़ लोहू का सारा बहाओ है

اب سب کے روزگار کی صورت بگڑ گئی
لاکھوں میں ایک دو کا کہیں کچھ بناؤ ہے

Ab sab ke rozgaar ki soorat bigad gayi
Laakhon mein ek do ka kaheen kuch banaao hai

अब सब के रोज़गार की सूरत बिगड़ गई
लाखों में एक दो का कहीं कुछ बनाओ है

چھاتی کے میری سارے نمودار ہیں یہ زخم
پردہ رہا ہے کون سا اب کیا چھپاؤ ہے

Chhaati ke mere saare numoodaar hain yeh zakhm
Parda raha hai kaun sa ab kya chhipaao hai

छाती के मेरे सारे नुमूदार हैं यह ज़ख़्म
पर्दा रहा है कौन सा अब क्या छिपाओ है

عاشق کہیں جو ہو گے تو جانو گے قدر میرؔ
اب تو کسی کے چاہنے کا تم کو چاؤ ہے

Aashiq kaheen jo ho ge to jaano ge qadr-e-Mir
Ab to kisi ke chaahne ka tum ko chaao hai

आशिक़ कहीं जो हो गे तो जानो गे क़द्र-ए-मीर
अब तो किसी के चाहने का तुम को चाओ है