بارش میں عہد توڑ کے گر مے کشی ہوئی
توبہ مری پھرے گی کہاں بھیگتی ہوئی

Baarish mein ahd tod ke gar mai-kashi hui
Toba meri phire gi kahan bheegti hui

बारिश में अहद तोड़ के गर मय-कशी हुई
तौबा मेरी फिरेगी कहाँ भीगती हुई

پیش آئے لاکھ رنج اگر اک خوشی ہوئی
پروردگار یہ بھی کوئی زندگی ہوئی

Pesh aaye laakh ranj agar ik khushi hui
Parvardigaar yeh bhi koi zindagi hui

पेश आए लाख रंज अगर इक ख़ुशी हुई
परवरदिगार यह भी कोई ज़िंदगी हुई

اچھا تو دونوں وقت ملے کوسیئے حضور
پھر بھی مریض غم کی اگر زندگی ہوئی

Achchha to donon vaqt mile kosiye huzoor
Phir bhi mareez-e-gham ki agar zindagi hui

अच्छा तो दोनों वक़्त मिले कोसिए हुज़ूर
फिर भी मरीज़-ए-ग़म की अगर ज़िंदगी हुई

اے عندلیب اپنے نشیمن کی خیر مانگ
بجلی گئی ہے سوئے چمن دیکھتی ہوئی

Ae andaleeb apne nasheeman ki khair maang
Bijli gayi hai soye-e-chaman dekhti hui

ऐ अंदलीब अपने नशेमन की ख़ैर माँग
बिजली गई है सू-ए-चमन देखती हुई

دیکھو چراغ قبر اسے کیا جواب دے
آئے گی شام ہجر مجھے پوچھتی ہوئی

Dekho chiraagh-e-qabr ise kya javaab de
Aaye gi shaam-e-hijr mujhe poochhti hui

देखो चराग़-ए-क़ब्र इसे क्या जवाब दे
आएगी शाम-ए-हिज्र मुझे पूछती हुई

قاصد انہیں کو جا کے دیا تھا ہمارا خط
وہ مل گئے تھے ان سے کوئی بات بھی ہوئی؟

Qasid unhein ko ja ke diya tha hamara khat
Vo mil gaye the un se koi baat bhi hui?

क़ासिद उन्हें को जा के दिया था हमारा ख़त
वो मिल गए थे उन से कोई बात भी हुई?

جب تک کہ تیری بزم میں چلتا رہے گا جام
ساقی رہے گی گردش دوراں رکی ہوئی

Jab tak ke teri bazm mein chalta rahe ga jaam
Saaqi rahe gi gardish-e-dauraan ruki hui

जब तक के तेरी बज़्म में चलता रहेगा जाम
साक़ी रहेगी गर्दिश-ए-दौराँ रुकी हुई

مانا کہ ان سے رات کا وعدہ ہے اے قمرؔ
کیسے وہ آ سکیں گے اگر چاندنی ہوئی

Mana ke un se raat ka waada hai ae Qamar
Kaise vo aa sakein ge agar chaandni hui

माना कि उन से रात का वादा है ऐ क़मर
कैसे वो आ सकेंगे अगर चाँदनी हुई