جب کبھی خوبیٔ قسمت سے تجھے دیکھتے ہیں
آئنہ خانے کی حیرت سے تجھے دیکھتے ہیں

Jab kabhi khoobi-e-qismat se tujhe dekhte hain
Aaina-khaane ki hairat se tujhe dekhte hain

जब कभी ख़ूबी-ए-क़िस्मत से तुझे देखते हैं
आईना-ख़ाने की हैरत से तुझे देखते हैं

وہ جو پامال زمانہ ہیں مرے تخت نشیں
دیکھ تو کیسی محبت سے تجھے دیکھتے ہیں

Woh jo paamaal-e-zamana hain mere takht-nasheen
Dekh to kaisi mohabbat se tujhe dekhte hain

वो जो पामाल-ए-ज़माना हैं मेरे तख़्त-नशीं
देख तो कैसी मोहब्बत से तुझे देखते हैं

کاسۂ دید میں بس ایک جھلک کا سکہ
ہم فقیروں کی قناعت سے تجھے دیکھتے ہیں

Kaasa-e-deed mein bas ek jhalak ka sikka
Hum faqeeron ki qana'at se tujhe dekhte hain

कासा-ए-दीद में बस एक झलक का सिक्का
हम फ़क़ीरों की क़नाअत से तुझे देखते हैं

تیرے جانے کا خیال آتا ہے گھر سے جس دم
در و دیوار کی حسرت سے تجھے دیکھتے ہیں

Tere jaane ka khayal aata hai ghar se jis dam
Dar-o-deewaar ki hasrat se tujhe dekhte hain

तेरे जाने का ख़याल आता है घर से जिस दम
दर-ओ-दीवार की हसरत से तुझे देखते हैं

تیرے کوچے میں چلے جاتے ہیں قاصد بن کر
اور اکثر اسی صورت سے تجھے دیکھتے ہیں

Tere kooche mein chale jaate hain qaasid ban kar
Aur aksar isi soorat se tujhe dekhte hain

तेरे कूचे में चले जाते हैं क़ासिद बन कर
और अक्सर इसी सूरत से तुझे देखते हैं

کہہ گئی باد صبا آج ترے کان میں کیا
پھول کس درجہ شرارت سے تجھے دیکھتے ہیں

Keh gayi baad-e-saba aaj tere kaan mein kya
Phool kis darja sharaarat se tujhe dekhte hain

कह गई बाद-ए-सबा आज तेरे कान में क्या
फूल किस दर्जा शरारत से तुझे देखते हैं

تجھ کو کیا علم تجھے ہارنے والے کچھ لوگ
کس قدر سخت ندامت سے تجھے دیکھتے ہیں

Tujh ko kya ilm tujhe haarne waale kuch log
Kis qadar sakht nidaamat se tujhe dekhte hain

तुझ को क्या इल्म तुझे हारने वाले कुछ लोग
किस क़दर सख़्त निदामत से तुझे देखते हैं