غلط ہے عشق میں اے بوالہوس اندیشہ راحت کا
رواج اس ملک میں ہے درد و داغ و رنج و کلفت کا

Ghalat hai ishq mein ae bulhawas andesha rahat ka
Rawaj is mulk mein hai dard o daagh o ranj o kulfat ka

ग़लत है इश्क़ में ऐ बुलहवस अंदेशा राहत का
रवाज इस मुल्क में है दर्द ओ दाग़ ओ रंज ओ कुलफ़त का

زمیں اک صفحۂ تصویر بیہوشاں سے مانا ہے
یہ مجلس جب سے ہے اچھا نہیں کچھ رنگ صحبت کا

Zameen ik safha-e-tasveer-e-behosh-aan se maana hai
Yeh majlis jab se hai achha nahin kuchh rang sohbat ka

ज़मीं इक सफ़्हा-ए-तस्वीर-ए-बेहोशाँ से माना है
यह मज्लिस जब से है अच्छा नहीं कुछ रंग सोहबत का

جہاں جلوے سے اس محبوب کے یکسر لبالب ہے
نظر پیدا کر اول پھر تماشا دیکھ قدرت کا

Jahaan jalwe se us mehboob ke yaksar labaalab hai
Nazar paida kar awwal phir tamasha dekh qudrat ka

जहाँ जल्वे से उस महबूब के यकसर लबालब है
नज़र पैदा कर अव्वल फिर तमाशा देख क़ुदरत का

ہنوز آوارۂ لیلیٰ ہے جان رفتہ مجنوں کی
موئے پر بھی رہا ہوتا نہیں وابستہ الفت کا

Hanooz aawara-e-Laila hai jaan-e-rafta Majnu ki
Moye par bhi raha hota nahin waabasta ulfat ka

हनूज़ आवारा-ए-लैला है जान-ए-रफ़्ता मजनूँ की
मोए पर भी रहा होता नहीं वाबस्ता उल्फ़त का

حریف بے جگر ہے صبر ورنہ کل کی صحبت میں
نیاز و ناز کا جھگڑا گرو تھا ایک جرأت کا

Hareef-e-be-jigar hai sabr warna kal ki sohbat mein
Niyaaz o naaz ka jhagda girau tha ek jurrat ka

हरीफ़-ए-बे-जिगर है सब्र वरना कल की सोहबत में
नियाज़ ओ नाज़ का झगड़ा गिरौ था एक जुरअत का

نگاہ یاس بھی اس صید افگن پر غنیمت ہے
نہایت تنگ ہے اے صید بسمل وقت فرصت کا

Nigaah-e-yaas bhi us said-afgan par ghaneemat hai
Nihayat tang hai ae said-e-bismil waqt fursat ka

निगाह-ए-यास भी उस सैद-अफ़गन पर ग़नीमत है
निहायत तंग है ऐ सैद-ए-बिस्मिल वक़्त फ़ुर्सत का

خرابی دل کی اس حد ہے کہ یہ سمجھا نہیں جاتا
کہ آبادی بھی یاں تھی یا کہ ویرانہ تھا مدت کا

Kharaabi dil ki is had hai ke yeh samjha nahin jaata
Ke aabaadi bhi yaan thi ya ke veerana tha muddat ka

ख़राबी दिल की इस हद है कि यह समझा नहीं जाता
कि आबादी भी याँ थी या कि वीराना था मुद्दत का

نگاہ مست نے اس کی لٹائی خانقہ ساری
پڑا ہے برہم اب تک کارخانہ زہد و طاعت کا

Nigaah-e-mast ne us ki lutai khanqah saari
Pada hai barham ab tak kaarkhaana zuhd o taa'at ka

निगाह-ए-मस्त ने उस की लुटाई ख़ानक़ह सारी
पड़ा है बरहम अब तक कारख़ाना ज़ुहद ओ ताअत का

قدم ٹک دیکھ کر رکھ میرؔ سر دل سے نکالے گا
پلک سے شوخ تر کانٹا ہے صحرائے محبت کا

Qadam tuk dekh kar rakh 'Mir' sar dil se nikaale ga
Palak se shokh-tar kaanta hai sehra-e-mohabbat ka

क़दम टुक देख कर रख 'मीर' सर दिल से निकाले गा
पलक से शोख़-तर काँटा है सहरा-ए-मोहब्बत का