شب تھا نالاں عزیز کوئی تھا
مرغ خوش‌ خواں عزیز کوئی تھا

Shab tha naalaan aziz koi tha
Murgh-e-khush-khwaan aziz koi tha

शब था नालाँ अज़ीज़ कोई था
मुर्ग़-ए-ख़ुश-ख़्वाँ अज़ीज़ कोई था

تھی تمہارے ستم کی تاب اس تک
صبر جو یاں عزیز کوئی تھا

Thi tumhare sitam ki taab uss tak
Sabr jo yaan aziz koi tha

थी तुम्हारे सितम की ताब उस तक
सब्र जो याँ अज़ीज़ कोई था

شب کو اس کا خیال تھا دل میں
گھر میں مہماں عزیز کوئی تھا

Shab ko uss ka khayal tha dil mein
Ghar mein mehmaan aziz koi tha

शब को उस का ख़याल था दिल में
घर में मेहमाँ अज़ीज़ कोई था

چاہ بے جا نہ تھی زلیخا کی
ماہ کنعاں عزیز کوئی تھا

Chaah be-ja na thi Zulekha ki
Maah-e-Kinaan aziz koi tha

चाह बे-जा न थी ज़ुलैख़ा की
माह-ए-किनआँ अज़ीज़ कोई था

اب تو اس کی گلی میں خار ہے لیک
میرؔ بے جاں عزیز کوئی تھا

Ab toh uss ki gali mein khaar hai lek
'Mir' be-jaan aziz koi tha

अब तो उस की गली में ख़ार है लेक
'मीर' बे-जाँ अज़ीज़ कोई था