تیغ ستم سے اس کی مرا سر جدا ہوا
شکر خدا کہ حق محبت ادا ہوا

tegh-e-sitam se us ki mera sar juda hua
shukr-e-khuda keh haq-e-mohabbat ada hua

तेग़-ए-सितम से उस की मिरा सर जुदा हुआ
शुक्र-ए-ख़ुदा कि हक़-ए-मोहब्बत अदा हुआ

قاصد کو دے کے خط نہیں کچھ بھیجنا ضرور
جاتا ہے اب تو جی ہی ہمارا چلا ہوا

qasid ko de ke khat nahin kuchh bhejna zaroor
jaata hai ab to ji hi hamara chala hua

क़ासिद को दे के ख़त नहीं कुछ भेजना ज़रूर
जाता है अब तो जी ही हमारा चला हुआ

وہ تو نہیں کہ اشک تھمے ہی نہ آنکھ سے
نکلے ہے کوئی لخت دل اب سو جلا ہوا

woh to nahin keh ashk thame hi na aankh se
nikle hai koi lakht-e-dil ab so jala hua

वो तो नहीं कि अश्क थमे ही न आँख से
निकले है कोई लख़्त-ए-दिल अब सो जला हुआ

حیران رنگ باغ جہاں تھا بہت رکا
تصویر کی کلی کی طرح دل نہ وا ہوا

hairan-e-rang-e-bagh-e-jahan tha bahut ruka
tasveer ki kali ki tarah dil na wa hua

हैरान-ए-रंग-ए-बाग़-ए-जहाँ था बहुत रुका
तस्वीर की कली की तरह दिल न वा हुआ

عالم کی بے فضائی سے تنگ آ گئے تھے ہم
جاگا سے دل گیا جو ہمارا بجا ہوا

aalam ki be-fazai se tang aa gaye the hum
jaaga se dil gaya jo hamara baja hua

आलम की बे-फ़ज़ाई से तंग आ गए थे हम
जागा से दिल गया जो हमारा बजा हुआ

در پے ہمارے جی کے ہوا غیر کے لیے
انجام کار مدعی کا مدعا ہوا

dar pai hamare ji ke hua ghair ke liye
anjaam-e-kaar mudda'i ka mudda'a hua

दर पै हमारे जी के हुआ ग़ैर के लिए
अंजाम-ए-कार मुद्दई का मुद्दआ हुआ

اس کے گئے پہ دل کی خرابی نہ پوچھیے
جیسے کسو کا کوئی نگر ہو لٹا ہوا

us ke gaye peh dil ki kharabi na poochhiye
jaise kisu ka koi nagar ho luta hua

उस के गए पह दिल की ख़राबी न पूछिए
जैसे किसू का कोई नगर हो लुटा हुआ

بد تر ہے زیست مرگ سے ہجران یار میں
بیمار دل بھلا نہ ہوا تو بھلا ہوا

bad-tar hai zeest marg se hijraan-e-yaar mein
beemar-e-dil bhala na hua to bhala hua

बद-तर है ज़ीस्त मर्ग से हिज्रान-ए-यार में
बीमार-ए-दिल भला न हुआ तो भला हुआ

کہتا تھا میرؔ حال تو جب تک تو تھا بھلا
کچھ ضبط کرتے کرتے ترا حال کیا ہوا

kehta tha 'Mir' haal to jab tak to tha bhala
kuchh zabt karte karte tera haal kya hua

कहता था 'मीर' हाल तो जब तक तू था भला
कुछ ज़ब्त करते करते तिरा हाल क्या हुआ