دل صاف ہو تو جلوہ گہہ یار کیوں نہ ہو
آئینہ ہو تو قابل دیدار کیوں نہ ہو

Dil saaf ho toh jalwa gah-e-yaar kyun na ho
Aaina ho toh qaabil-e-deedar kyun na ho

दिल साफ़ हो तो जल्वा गह-ए-यार क्यों न हो
आईना हो तो क़ाबिल-ए-दीदार क्यों न हो

عالم تمام اس کا گرفتار کیوں نہ ہو
وہ ناز پیشہ ایک ہے عیار کیوں نہ ہو

Aalam tamaam us ka giraftaar kyun na ho
Woh naaz-pesha ek hai ayyaar kyun na ho

आलम तमाम उस का गिरफ़्तार क्यों न हो
वो नाज़-पेशा एक है अय्यार क्यों न हो

مستغنیانہ تو جو کرے پہلے ہی سلوک
عاشق کو فکر عاقبت کار کیوں نہ ہو

Mustaghniyana tu jo kare pehle hi sulook
Aashiq ko fikr-e-aaqibat-e-kaar kyun na ho

मुस्तग़नियाना तू जो करे पहले ही सुलूक
आशिक़ को फ़िक्र-ए-आक़िबत-ए-कार क्यों न हो

رحمت غضب میں نسبت برق‌ و سحاب ہے
جس کو شعور ہو تو گنہ گار کیوں نہ ہو

Rehmat ghazab mein nisbat barq-o-sahaab hai
Jis ko shaoor ho toh gunah-gaar kyun na ho

रहमत ग़ज़ब में निस्बत बर्क़-ओ-सहाब है
जिस को शऊर हो तो गुनह-गार क्यों न हो

دشمن تو اک طرف کہ سبب رشک کا ہے یاں
در کا شگاف و رخنۂ دیوار کیوں نہ ہو

Dushman toh ik taraf keh sabab rashk ka hai yaan
Dar ka shigaaf o rakhna-e-deewar kyun na ho

दुश्मन तो इक तरफ़ कि सबब रश्क का है याँ
दर का शिगाफ़ ओ रख़्ना-ए-दीवार क्यों न हो

آیات حق ہیں سارے یہ ذرات کائنات
انکار تجھ کو ہووے سو اقرار کیوں نہ ہو

Aayaat-e-haq hain saare yeh zarraat-e-kaayenaat
Inkaar tujh ko hove so iqraar kyun na ho

आयात-ए-हक़ हैं सारे यह ज़र्रात-ए-कायनात
इंकार तुझ को होवे सो इक़रार क्यों न हो

ہر دم کی تازہ مرگ جدائی سے تنگ ہوں
ہونا جو کچھ ہے آہ سو یک بار کیوں نہ ہو

Har dam ki taaza marg-e-judai se tang hoon
Hona jo kuchh hai aah so yak-baar kyun na ho

हर दम की ताज़ा मर्ग-ए-जुदाई से तंग हूँ
होना जो कुछ है आह सो यक-बार क्यों न हो

موئے سفید ہم کو کہے ہے کہ غافلاں
اب صبح ہونے آئی ہے بیدار کیوں نہ ہو

Moo-e-safed hum ko kahe hai keh ghaafilaan
Ab subh hone aayi hai bedaar kyun na ho

मू-ए-सफ़ेद हम को कहे है कि ग़ाफ़िलाँ
अब सुब्ह होने आई है बेदार क्यों न हो

نزدیک اپنے ہم نے تو سب کر رکھا ہے سہل
پھر میرؔ اس میں مردن دشوار کیوں نہ ہو

Nazdeek apne hum ne toh sab kar rakha hai sehel
Phir Mir is mein murdan-e-dushwaar kyun na ho

नज़दीक अपने हम ने तो सब कर रखा है सहेल
फिर मीर इस में मुर्दने-दुश्वार क्यों न हो