گر کچھ ہو درد آئینہ یوں چرخ زشت میں
ان صورتوں کو صرف کرے خاک و خشت میں

Gar kuchh ho dard aaina yun charkh-e-zisht mein
In sooraton ko sarf kare khaak-o-khisht mein

गर कुछ हो दर्द आईना यूं चर्ख़-ए-ज़िश्त में
इन सूरतों को सर्फ़ करे ख़ाक-ओ-ख़िश्त में

رکھتا ہے سوز عشق سے دوزخ میں روز و شب
لے جائے گا یہ سوختہ دل کیا بہشت میں

Rakhta hai soz-e-ishq se dozakh mein roz-o-shab
Le jaayega yeh sokhta-dil kya bahisht mein

रखता है सोज़-ए-इश्क़ से दोज़ख़ में रोज़-ओ-शब
ले जाएगा यह सोख़्ता-दिल क्या बहिश्त में

آسودہ کیوں کہ ہوں میں کہ مانند گرد باد
آوارگی تمام ہے میری سرشت میں

Aasooda kyun ke hoon main ke maanind-e-gard-baad
Aawargi tamaam hai meri sirisht mein

आसूदा क्यों के हूं मैं के मानिंद-ए-गर्द-बाद
आवारगी तमाम है मेरी सिरिश्त में

کب تک خراب سعی طواف حرم رہوں
دل کو اٹھا کے بیٹھ رہوں گا کنشت میں

Kab tak kharaab-e-sa'i-e-tawaaf-e-haram rahoon
Dil ko utha ke baith rahoonga kunisht mein

कब तक ख़राब-ए-सई-ए-तवाफ़-ए-हरम रहूं
दिल को उठा के बैठ रहूंगा कुनिश्त में

ماتم کے ہوں زمین پہ خرمن تو کیا عجب
ہوتا ہے نیل چرخ کی اس سبز کشت میں

Maatam ke hon zameen pe khirman to kya ajab
Hota hai neel charkh ki is sabz kisht mein

मातम के हों ज़मीन पे ख़िर्मन तो क्या अजब
होता है नील चर्ख़ की इस सब्ज़ किश्त में

سرمست ہم ہیں آنکھوں کے دیکھے سے یار کی
کب یہ نشہ ہے دختر رز تجھ پلشت میں

Sarmast hum hain aankhon ke dekhe se yaar ki
Kab yeh nasha hai dukhtar-e-raz tujh palisht mein

सरमस्त हम हैं आँखों के देखे से यार की
कब यह नशा है दुख़्तर-ए-रज़ तुझ पलिश्त में

رندوں کے تئیں ہمیشہ ملامت کرے ہے تو
آجائیو نہ شیخ کہیں ہشت بہشت میں

Rindon ke ta.een hamesha malaamat kare hai tu
Aa jaiyo na shaikh kahin hasht bahisht mein

रिन्दों के तईं हमेशा मलामत करे है तू
आ जाइयो न शैख़ कहीं हश्त बहिश्त में

نامے کو چاک کر کے کرے نامہ بر کو قتل
کیا یہ لکھا تھا میرؔ مری سرنوشت میں

Naame ko chaak kar ke kare naama-bar ko qatl
Kya yeh likha tha Mir meri sar-nawisht mein

नामे को चाक कर के करे नामा-बर को क़त्ल
क्या यह लिखा था मीर मेरी सर-नविश्त में