غبار دشت طلب میں ہیں رفتگاں کیا کیا
چمک رہے ہیں اندھیرے میں استخواں کیا کیا

Ghubaar-e-dasht-e-talab mein hain raftagaan kya kya
Chamak rahe hain andhere mein ustukhwaan kya kya

ग़ुबार-ए-दश्त-ए-तलब में हैं रफ़्तगाँ क्या क्या
चमक रहे हैं अँधेरे में उस्तुख़्वाँ क्या क्या

دکھا کے ہم کو ہمارا ہی قاش قاش بدن
دلاسے دیتے ہیں دیکھو تو قاتلاں کیا کیا

Dikha ke hum ko hamara hi qaash qaash badan
Dilaase dete hain dekho to qatilaan kya kya

दिखा के हम को हमारा ही क़ाश क़ाश बदन
दिलासे देते हैं देखो तो क़ातिलाँ क्या क्या

گھٹی دلوں کی محبت تو شہر بڑھنے لگا
مٹے جو گھر تو ہویدا ہوئے مکاں کیا کیا

Ghati dilon ki mohabbat to sheher badhne laga
Mite jo ghar to huveda hue makaan kya kya

घटी दिलों की मोहब्बत तो शहर बढ़ने लगा
मिटे जो घर तो हुवेदा हुए मकाँ क्या क्या

پلٹ کے دیکھا تو اپنے نشان پا بھی نہ تھے
ہمارے ساتھ سفر میں تھے ہمرہاں کیا کیا

Palat ke dekha to apne nishaan-e-paa bhi na the
Hamare saath safar mein the hamrahaan kya kya

पलट के देखा तो अपने निशान-ए-पा भी न थे
हमारे साथ सफ़र में थे हमरहाँ क्या क्या

ہلاک نالۂ شبنم ذرا نظر تو اٹھا
نمود کرتے ہیں عالم میں گل رخاں کیا کیا

Halaak-e-naala-e-shabnam zara nazar to utha
Numood karte hain aalam mein gul-rukhaan kya kya

हलाक-ए-नाला-ए-शबनम ज़रा नज़र तो उठा
नुमूद करते हैं आलम में गुल-रुख़ाँ क्या क्या

کہیں ہے چاند سوالی کہیں گدا خورشید
تمہارے در پہ کھڑے ہیں یہ سائلاں کیا کیا

Kahin hai chaand sawaali kahin gada khursheed
Tumhaare dar pe khade hain yeh saailaan kya kya

कहीं है चाँद सवाली कहीं गदा ख़ुर्शीद
तुम्हारे दर पे खड़े हैं ये साइलाँ क्या क्या

بچھڑ کے تجھ سے نہ جی پائے مختصر یہ ہے
اس ایک بات سے نکلی ہے داستاں کیا کیا

Bichhad ke tujh se na jee paaye mukhtasar yeh hai
Is ek baat se nikli hai daastaan kya kya

बिछड़ के तुझ से न जी पाए मुख़्तसर ये है
इस एक बात से निकली है दास्ताँ क्या क्या

ہے پر سکون سمندر مگر سنو تو سہی
لب خموش سے کہتے ہیں بادباں کیا کیا

Hai pur-sukoon samandar magar suno to sahi
Lab-e-khamosh se kehte hain baadbaan kya kya

है पुर-सुकून समंदर मगर सुनो तो सही
लब-ए-ख़मोश से कहते हैं बादबाँ क्या क्या

کسی کا رخت مسافت تمام دھوپ ہی دھوپ
کسی کے سر پہ کشیدہ ہیں سائباں کیا کیا

Kisi ka rakht-e-masaafat tamaam dhoop hi dhoop
Kisi ke sar pe kasheeda hain saaebaan kya kya

किसी का रख़्त-ए-मसाफ़त तमाम धूप ही धूप
किसी के सर पे कशीदा हैं साएबाँ क्या क्या

نکل ہی جائے گی اک دن مدار سے یہ زمیں
اگرچہ پہرے پہ بیٹھے ہیں آسماں کیا کیا

Nikal hi jaayegi ik din madaar se yeh zameen
Agarche pehre pe baithe hain aasmaan kya kya

निकल ही जाएगी इक दिन मदार से ये ज़मीं
अगरचे पहरे पे बैठे हैं आसमाँ क्या क्या

فنا کی چال کے آگے کسی کی کچھ نہ چلی
بساط دہر سے اٹھے حساب داں کیا کیا

Fana ki chaal ke aage kisi ki kuch na chali
Bisaat-e-dehr se uthe hisaab-daan kya kya

फ़ना की चाल के आगे किसी की कुछ न चली
बिसात-ए-दहर से उठे हिसाब-दाँ क्या क्या

کسے خبر ہے کہ امجدؔ بہار آنے تک
خزاں نے چاٹ لیے ہوں گے گلستاں کیا کیا

Kise khabar hai ke Amjad bahaar aane tak
Khizaan ne chaat liye honge gulistaan kya kya

किसे ख़बर है कि अमजद बहार आने तक
ख़िज़ाँ ने चाट लिए होंगे गुलिस्ताँ क्या क्या