کب تک تو امتحاں میں مجھ سے جدا رہے گا
جیتا ہوں تو تجھی میں یہ دل لگا رہے گا

Kab tak tu imtihan mein mujh se juda rahega
Jeeta hoon to tujhi mein yeh dil laga rahega

कब तक तू इम्तिहाँ में मुझ से जुदा रहेगा
जीता हूँ तो तुझी में यह दिल लगा रहेगा

یاں ہجر اور ہم میں بگڑی ہے کب کی صحبت
زخم دل و نمک میں کب تک مزہ رہے گا

Yaan hijr aur hum mein bigdi hai kab ki sohbat
Zakhm-e-dil-o-namak mein kab tak maza rahega

याँ हिज्र और हम में बिगड़ी है कब की सोहबत
ज़ख़्म-ए-दिल-ओ-नमक में कब तक मज़ा रहेगा

تو برسوں میں ملے ہے یاں فکر یہ رہے ہے
جی جائے گا ہمارا اک دم کو یا رہے گا

Tu barson mein mile hai yaan fikr yeh rahe hai
Jee jaayega hamara ik dam ko ya rahega

तू बरसों में मिले है याँ फ़िक्र यह रहे है
जी जाएगा हमारा इक दम को या रहेगा

میرے نہ ہونے کا تو ہے اضطراب یوں ہی
آیا ہے جی لبوں پر اب کیا ہے جا رہے گا

Mere na hone ka to hai iztirab yunhi
Aaya hai jee labon par ab kya hai ja rahega

मेरे न होने का तो है इज़्तिराब यूँही
आया है जी लबों पर अब क्या है जा रहेगा

غافل نہ رہیو ہرگز نادان داغ دل سے
بھڑکے گا جب یہ شعلہ تب گھر جلا رہے گا

Ghafil na rahiyo hargiz nadaan dagh-e-dil se
Bhadkega jab yeh shola tab ghar jala rahega

ग़ाफ़िल न रहियो हरगिज़ नादाँ दाग़-ए-दिल से
भड़केगा जब यह शोला तब घर जला रहेगा

مرنے پہ اپنے مت جا سالک طلب میں اس کی
گو سر کو کھو رہے گا پر اس کو پا رہے گا

Marne pe apne mat ja saalik talab mein is ki
Go sar ko kho rahega par is ko pa rahega

मरने पे अपने मत जा सालिक तलब में उस की
गो सर को खो रहेगा पर उस को पा रहेगा

عمر عزیز ساری دل ہی کے غم میں گزری
بیمار عاشقی یہ کس دن بھلا رہے گا

Umr-e-aziz saari dil hi ke gham mein guzri
Beemar-e-aashiqi yeh kis din bhala rahega

उम्र-ए-अज़ीज़ सारी दिल ही के ग़म में गुज़री
बीमार-ए-आशिक़ी यह किस दिन भला रहेगा

دیدار کا تو وعدہ محشر میں دیکھ کر کر
بیمار غم میں تیرے تب تک تو کیا رہے گا

Deedar ka to waada mahshar mein dekh kar kar
Beemar-e-gham mein tere tab tak to kya rahega

दीदार का तो वादा महशर में देख कर कर
बीमार-ए-ग़म में तेरे तब तक तो क्या रहेगा

کیا ہے جو اٹھ گیا ہے پر بستۂ وفا ہے
قید حیات میں ہے تو میرؔ آ رہے گا

Kya hai jo uth gaya hai par basta-e-wafa hai
Qaid-e-hayat mein hai to Mir aa rahega

क्या है जो उठ गया है पर बस्ता-ए-वफ़ा है
क़ैद-ए-हयात में है तो 'मीर' आ रहेगा