کیا مصیبت زدہ دل مائل آزار نہ تھا
کون سے درد و ستم کا یہ طرف دار نہ تھا

Kya musibat-zada dil maa'il-e-aazaar na tha
Kaun se dard-o-sitam ka yeh taraf-daar na tha

क्या मुसीबत-ज़दा दिल माइल-ए-आज़ार न था
कौन से दर्द-ओ-सितम का यह तरफ़-दार न था

آدم خاکی سے عالم کو جلا ہے ورنہ
آئنہ تھا یہ ولے قابل دیدار نہ تھا

Aadam-e-khaaki se aalam ko jila hai warna
Aaina tha yeh wale qaabil-e-deedar na tha

आदम-ए-ख़ाकी से आलम को जिला है वरना
आईना था यह वले क़ाबिल-ए-दीदार न था

دھوپ میں جلتی ہیں غربت وطنوں کی لاشیں
تیرے کوچے میں مگر سایۂ دیوار نہ تھا

Dhoop mein jalti hain ghurbat-watano'n ki laashein
Tere kooche mein magar saaya-e-deewaar na tha

धूप में जलती हैं ग़ुर्बत-वतनों की लाशें
तेरे कूचे में मगर साया-ए-दीवार न था

صد گلستاں تا یک بال تھے اس کے جب تک
طائر جاں قفس تن کا گرفتار نہ تھا

Sad gulistaan taa yak baal the uske jab tak
Taa'ir-e-jaan qafas-e-tan ka giraftaar na tha

सद गुलिस्ताँ ता यक बाल थे उसके जब तक
ताइर-ए-जाँ क़फ़स-ए-तन का गिरफ़्तार न था

حیف سمجھا ہی نہ وہ قاتل ناداں ورنہ
بے گنہ مارنے قابل یہ گنہ گار نہ تھا

Haif samjha hi na woh qaatil-e-naadaan warna
Be-gunah maarne qaabil yeh gunahgaar na tha

हैफ़ समझा ही न वो क़ातिल-ए-नादाँ वरना
बे-गुनाह मारने क़ाबिल यह गुनहगार न था

عشق کا جذب ہوا باعث سودا ورنہ
یوسف مصر زلیخا کا خریدار نہ تھا

Ishq ka jazb hua baa'is-e-sauda warna
Yusuf-e-Misr Zulaikha ka khareedaar na tha

इश्क़ का जज़्ब हुआ बाइस-ए-सौदा वरना
यूसुफ़-ए-मिस्र ज़ुलैख़ा का ख़रीदार न था

نرم تر موم سے بھی ہم کو کوئی دیتی قضا
سنگ چھاتی کا تو یہ دل ہمیں درکار نہ تھا

Narm-tar mom se bhi hum ko koi deti qaza
Sang chhaati ka to yeh dil hamein darkaar na tha

नर्म-तर मोम से भी हम को कोई देती क़ज़ा
संग छाती का तो यह दिल हमें दरकार न था

رات حیران ہوں کچھ چپ ہی مجھے لگ گئی میرؔ
درد پنہاں تھے بہت پر لب اظہار نہ تھا

Raat hairaan hoon kuchh chup hi mujhe lag gayi 'Mir'
Dard pinhaan the bahut par lab-e-izhaar na tha

रात हैरान हूँ कुछ चुप ही मुझे लग गई 'मीर'
दर्द पिन्हाँ थे बहुत पर लब-ए-इज़हार न था