نکلے ہے چشمہ جو کوئی جوش زناں پانی کا
یاد دہ ہے وہ کسو چشم کی گریانی کا

Nikle hai chashma jo koi josh-e-zanaan pani ka
Yad deh hai woh kasu chashm ki giryani ka

निकले है चश्मा जो कोई जोश-ए-ज़नां पानी का
याद-देह है वो कसू चश्म की गिरयानी का

لطف اگر یہ ہے بتاں صندل پیشانی کا
حسن کیا صبح کے پھر چہرۂ نورانی کا

Lutf agar yeh hai butaan sandal peshani ka
Husn kya subah ke phir chehra-e-noorani ka

लुत्फ़ अगर ये है बुतां संदल पेशानी का
हुस्न क्या सुबह के फिर चेहरा-ए-नूरानी का

کفر کچھ چاہیے اسلام کی رونق کے لیے
حسن زنار ہے تسبیح سلیمانی کا

Kufr kuch chahiye Islam ki raunaq ke liye
Husn zunnar hai tasbeeh-e-Sulaimani ka

कुफ़्र कुछ चाहिए इस्लाम की रौनक़ के लिए
हुस्न ज़ुन्नार है तस्बीह-ए-सुलैमानी का

درہمی حال کی ہے سارے مرے دیواں میں
سیر کر تو بھی یہ مجموعہ پریشانی کا

Darhami haal ki hai saare mere deewan mein
Sair kar tu bhi yeh majmua-e-pareshani ka

दरहमी हाल की है सारे मेरे दीवां में
सैर कर तू भी ये मज्मूआ-ए-परेशानी का

جان گھبراتی ہے اندوہ سے تن میں کیا کیا
تنگ احوال ہے اس یوسف زندانی کا

Jaan ghabrati hai andooh se tan mein kya kya
Tang ahwaal hai us Yusuf-e-zindani ka

जान घबराती है अंदोह से तन में क्या क्या
तंग अहवाल है उस यूसुफ़-ए-ज़िंदानी का

کھیل لڑکوں کا سمجھتے تھے محبت کے تئیں
ہے بڑا حیف ہمیں اپنی بھی نادانی کا

Khel ladkon ka samajhte the mohabbat ke tayein
Hai bada haif humein apni bhi nadani ka

खेल लड़कों का समझते थे मोहब्बत के तईं
है बड़ा हैफ़ हमें अपनी भी नादानी का

وہ بھی جانے کہ لہو رو کے لکھا ہے مکتوب
ہم نے سر نامہ کیا کاغذ افشانی کا

Woh bhi jaane ke lahu ro ke likha hai maktoob
Humne sar-nama kiya kaghaz afshani ka

वो भी जाने के लहू रो के लिखा है मकतूब
हमने सर-नामा किया काग़ज़ अफ़शानी का

اس کا منہ دیکھ رہا ہوں سو وہی دیکھوں ہوں
نقش کا سا ہے سماں میری بھی حیرانی کا

Iska munh dekh raha hoon so wahi dekhun hoon
Naqsh ka sa hai samaan meri bhi hairani ka

इसका मुँह देख रहा हूँ सो वही देखूँ हूँ
नक़्श का सा है समां मेरी भी हैरानी का

بت پرستی کو تو اسلام نہیں کہتے ہیں
معتقد کون ہے میرؔ ایسی مسلمانی کا

But-parasti ko toh Islam nahi kehte hain
Mu'taqid kaun hai Mir aisi musalmani ka

बुत-परस्ती को तो इस्लाम नहीं कहते हैं
मुअतक़िद कौन है मीर ऐसी मुसलमानी का