اگرچہ کوئی بھی اندھا نہیں تھا
لکھا دیوار کا پڑھتا نہیں تھا

Agarche koi bhi andha nahin tha
Likha deewar ka padhta nahin tha

अगरचे कोई भी अंधा नहीं था
लिखा दीवार का पढ़ता नहीं था

کچھ ایسی برف تھی اس کی نظر میں
گزرنے کے لئے رستہ نہیں تھا

Kuch aisi barf thi us ki nazar mein
Guzarne ke liye rasta nahin tha

कुछ ऐसी बर्फ़ थी उस की नज़र में
गुज़रने के लिए रस्ता नहीं था

تمہی نے کون سی اچھائی کی ہے
چلو مانا کہ میں اچھا نہیں تھا

Tumhi ne kaun si achhai ki hai
Chalo maana ke main achha nahin tha

तुम्ही ने कौन सी अच्छाई की है
चलो माना कि मैं अच्छा नहीं था

کھلی آنکھوں سے ساری عمر دیکھا
اک ایسا خواب جو اپنا نہیں تھا

Khuli aankhon se saari umr dekha
Ik aisa khwaab jo apna nahin tha

खुली आँखों से सारी उम्र देखा
इक ऐसा ख़्वाब जो अपना नहीं था

میں اس کی انجمن میں تھا اکیلا
کسی نے بھی مجھے دیکھا نہیں تھا

Main us ki anjuman mein tha akela
Kisi ne bhi mujhe dekha nahin tha

मैं उस की अंजुमन में था अकेला
किसी ने भी मुझे देखा नहीं था

سحر کے وقت کیسے چھوڑ جاتا
تمہاری یاد تھی سپنا نہیں تھا

Sehar ke waqt kaise chhod jaata
Tumhari yaad thi sapna nahin tha

सहर के वक़्त कैसे छोड़ जाता
तुम्हारी याद थी सपना नहीं था

کھڑی تھی رات کھڑکی کے سرہانے
دریچے میں وہ چاند اترا نہیں تھا

Khadi thi raat khidki ke sirhaane
Dareeche mein woh chaand utra nahin tha

खड़ी थी रात खिड़की के सिरहाने
दरीचे में वो चाँद उतरा नहीं था

دلوں میں گرنے والے اشک چنتا
کہیں اک جوہری ایسا نہیں تھا

Dilon mein girne waale ashk chunta
Kahin ik jauhari aisa nahin tha

दिलों में गिरने वाले अश्क चुनता
कहीं इक जौहरी ऐसा नहीं था

کچھ ایسی دھوپ تھی ان کے سروں پر
خدا جیسے غریبوں کا نہیں تھا

Kuch aisi dhoop thi un ke saron par
Khuda jaise ghareebon ka nahin tha

कुछ ऐसी धूप थी उन के सरों पर
ख़ुदा जैसे ग़रीबों का नहीं था

ابھی حرفوں میں رنگ آتے کہاں سے
ابھی میں نے اسے لکھا نہیں تھا

Abhi harfon mein rang aate kahan se
Abhi maine use likha nahin tha

अभी हर्फ़ों में रंग आते कहाँ से
अभी मैंने उसे लिखा नहीं था

تھی پوری شکل اس کی یاد مجھ کو
مگر میں نے اسے دیکھا نہیں تھا

Thi poori shakl us ki yaad mujh ko
Magar maine use dekha nahin tha

थी पूरी शक्ल उस की याद मुझ को
मगर मैंने उसे देखा नहीं था

برہنہ خواب تھے سورج کے نیچے
کسی امید کا پردا نہیں تھا

Barahna khwaab the sooraj ke neeche
Kisi umeed ka parda nahin tha

बरहना ख़्वाब थे सूरज के नीचे
किसी उम्मीद का पर्दा नहीं था

ہے امجدؔ آج تک وہ شخص دل میں
کہ جو اس وقت بھی میرا نہیں تھا

Hai Amjad aaj tak woh shakhs dil mein
Ke jo us waqt bhi mera nahin tha

है अमजद आज तक वो शख़्स दिल में
कि जो उस वक़्त भी मेरा नहीं था