بے روے و زلف یار ہے رونے سے کام یاں
دامن ہے منہ پہ ابر نمط صبح و شام یاں

Be ro-e-o-zulf-e-yaar hai rone se kaam yaan
Daaman hai munh pe abr namat subh-o-shaam yaan

बे रो-ए-ओ-ज़ुल्फ़-ए-यार है रोने से काम याँ
दामन है मुँह पे अब्र नमत सुब्ह-ओ-शाम याँ

آوازہ ہی جہاں میں ہمارا سنا کرو
عنقا کے طور زیست ہے اپنی بہ نام یاں

Aawaaza hi jahaan mein hamaara suna karo
Anqa ke taur zeest hai apni ba-naam yaan

आवाज़ा ही जहाँ में हमारा सुना करो
अंक़ा के तौर ज़ीस्त है अपनी ब-नाम याँ

وصف دہن سے اس کے نہ آگے قلم چلے
یعنی کیا ہے خامے نے ختم کلام یاں

Wasf-e-dahan se us ke na aage qalam chale
Yaani kiya hai khaame ne khatm-e-kalaam yaan

वस्फ़-ए-दहन से उस के न आगे क़लम चले
यानी किया है ख़ामे ने ख़त्म-ए-कलाम याँ

غالب یہ ہے کہ موسم خط واں قریب ہے
آنے لگا ہے متصل اس کا پیام یاں

Ghalib yeh hai ke mausam-e-khat waan qareeb hai
Aane laga hai muttasil is ka payaam yaan

ग़ालिब यह है के मौसम-ए-ख़त वाँ क़रीब है
आने लगा है मुत्तसिल इस का पयाम याँ

مت کھا فریب عجز عزیزان حال کا
پنہاں کیے ہیں خاک میں یاروں نے دام یاں

Mat khaa fareb-e-ajz-e-azeezaan-e-haal ka
Pinhaan kiye hain khaak mein yaaron ne daam yaan

मत खा फ़रेब-ए-अज्ज़-ए-अज़ीज़ान-ए-हाल का
पिन्हाँ किए हैं ख़ाक में यारों ने दाम याँ

کوئی ہوا نہ دست بسر شہر حسن میں
شاید نہیں ہے رسم جواب سلام یاں

Koi hua na dast-basar shahr-e-husn mein
Shaayad nahin hai rasm-e-jawaab-e-salaam yaan

कोई हुआ न दस्त-बसर शहर-ए-हुस्न में
शायद नहीं है रस्म-ए-जवाब-ए-सलाम याँ

ناکام رہنے ہی کا تمہیں غم ہے آج میرؔ
بہتوں کے کام ہو گئے ہیں کل تمام یاں

Naakaam rehne hi ka tumhein gham hai aaj 'Mir'
Bahuton ke kaam ho gaye hain kal tamaam yaan

नाकाम रहने ही का तुम्हें ग़म है आज 'मीर'
बहुतों के काम हो गए हैं कल तमाम याँ