جستجو کھوئے ہوؤں کی عمر بھر کرتے رہے
چاند کے ہم راہ ہم ہر شب سفر کرتے رہے

Justujoo khoye huon ki umr bhar karte rahe
Chaand ke ham-raah ham har shab safar karte rahe

जुस्तजू खोए हुओं की उम्र भर करते रहे
चाँद के हम-राह हम हर शब सफ़र करते रहे

راستوں کا علم تھا ہم کو نہ سمتوں کی خبر
شہر نامعلوم کی چاہت مگر کرتے رہے

Raaston ka ilm tha ham ko na simton ki khabar
Shehr-e-na-maloom ki chahat magar karte rahe

रास्तों का इल्म था हम को न सिम्तों की ख़बर
शहर-ए-ना-मालूम की चाहत मगर करते रहे

ہم نے خود سے بھی چھپایا اور سارے شہر کو
تیرے جانے کی خبر دیوار و در کرتے رہے

Ham ne khud se bhi chhupaya aur saare shehr ko
Tere jaane ki khabar deewar-o-dar karte rahe

हम ने ख़ुद से भी छुपाया और सारे शहर को
तेरे जाने की ख़बर दीवार-ओ-दर करते रहे

وہ نہ آئے گا ہمیں معلوم تھا اس شام بھی
انتظار اس کا مگر کچھ سوچ کر کرتے رہے

Woh na aaye ga hamein maloom tha us shaam bhi
Intezaar us ka magar kuchh soch kar karte rahe

वो न आए गा हमें मालूम था उस शाम भी
इंतज़ार उस का मगर कुछ सोच कर करते रहे

آج آیا ہے ہمیں بھی ان اڑانوں کا خیال
جن کو تیرے زعم میں بے بال و پر کرتے رہے

Aaj aaya hai hamein bhi un udaanon ka khayaal
Jin ko tere za'm mein be-baal-o-par karte rahe

आज आया है हमें भी उन उड़ानों का ख़याल
जिन को तेरे ज़अम में बे-बाल-ओ-पर करते रहे