مشہور چمن میں تری گل پیرہنی ہے
قرباں ترے ہر عضو پہ نازک بدنی ہے

Mashhoor chaman mein tri gul-pairahani hai
Qurbaan tre har uzv pe naazuk-badani hai

मशहूर चमन में तिरी गुल-पैरहनी है
क़ुरबाँ तिरे हर उज़्व पे नाज़ुक-बदनी है

عریانیٔ آشفتہ کہاں جائے پس از مرگ
کشتہ ہے ترا اور یہی بے کفنی ہے

Uryaani-e-aashufta kahaan jaaye pas-az-marg
Kushta hai tra aur yahi be-kafani hai

उर्यानी-ए-आशुफ़्ता कहाँ जाए पस-अज़-मर्ग
कुश्ता है तिरा और यही बे-कफ़नी है

سمجھے ہے نہ پروانہ نہ تھامے ہے زباں شمع
وہ سوختنی ہے تو یہ گردن زدنی ہے

Samjhe hai na parwaana na thaame hai zabaan shama
Woh sokhtani hai to yeh gardan-zadni hai

समझे है न परवाना न थामे है ज़बाँ शम्अ
वो सोख़्तनी है तो ये गर्दन-ज़दनी है

لیتا ہی نکلتا ہے مرا لخت جگر اشک
آنسو نہیں گویا کہ یہ ہیرے کی کنی ہے

Leta hi nikalta hai mira lakht-e-jigar ashk
Aansu nahin goya ke yeh heere ki kani hai

लेता ही निकलता है मिरा लख़्त-ए-जिगर अश्क
आँसू नहीं गोया कि ये हीरे की कनी है

بلبل کی کف خاک بھی اب ہوگی پریشاں
جامے کا ترے رنگ ستم گر چمنی ہے

Bulbul ki kaf-e-khaak bhi ab hogi pareshaan
Jaame ka tre rang sitam-gar chamani hai

बुलबुल की कफ़-ए-ख़ाक भी अब होगी परेशाँ
जामे का तिरे रंग सितम-गर चमनी है

کچھ تو ابھر اے صورت شیریں کہ دکھاؤں
فرہاد کے ذمے بھی عجب کوہ کنی ہے

Kuchh to ubhar ae soorat-e-sheereen ke dikhaaun
Farhaad ke zimme bhi ajab koh-kani hai

कुछ तो उभर ऐ सूरत-ए-शीरीं कि दिखाऊँ
फ़रहाद के ज़िम्मे भी अजब कोह-कनी है

ہوں گرم سفر شام غریباں سے خوشی ہوں
اے صبح وطن تو تو مجھے بے وطنی ہے

Hoon garm-safar shaam-e-ghareebaan se khushi hoon
Ae subah-e-watan to to mujhe be-watani hai

हूँ गर्म-सफ़र शाम-ए-ग़रीबाँ से ख़ुशी हूँ
ऐ सुब्ह-ए-वतन तो तो मुझे बे-वतनी है

ہر چند گدا ہوں میں ترے عشق میں لیکن
ان بو الہوسوں میں کوئی مجھ سا بھی غنی ہے

Har chand gada hoon main tre ishq mein lekin
Un bu-al-hawason mein koi mujh sa bhi ghani hai

हर चंद गदा हूँ मैं तिरे इश्क़ में लेकिन
उन बू-अल-हवसों में कोई मुझ सा भी ग़नी है

ہر اشک مرا ہے در شہوار سے بہتر
ہر لخت جگر رشک عقیق یمنی ہے

Har ashk mira hai durr-e-shahwaar se behtar
Har lakht-e-jigar rashk-e-aqeeq-e-yamani hai

हर अश्क मिरा है दुर्र-ए-शहवार से बेहतर
हर लख़्त-ए-जिगर रश्क-ए-अक़ीक़-ए-यमनी है

بگڑی ہے نپٹ میرؔ تپش اور جگر میں
شاید کہ مرے جی ہی پر اب آن بنی ہے

Bigdi hai nipat 'Mir' tapish aur jigar mein
Shaayad ke mire jee hi par ab aan bani hai

बिगड़ी है निपट 'मीर' तपिश और जिगर में
शायद कि मिरे जी ही पर अब आन बनी है