مژگان تر ہوں یا رگ تاک بریدہ ہوں
جو کچھ کہ ہوں سو ہوں غرض آفت رسیدہ ہوں

Muzhgan-e-tar hoon ya rag-e-taak bureeda hoon
Jo kuchh keh hoon so hoon gharaz aafat-raseeda hoon

मिज़्गान-ए-तर हूँ या रग-ए-ताक बुरीदा हूँ
जो कुछ कि हूँ सो हूँ ग़रज़ आफ़त-रसीदा हूँ

کھینچے ہے دور آپ کو میری فروتنی
افتادہ ہوں پہ سایۂ قد کشیدہ ہوں

Kheenche hai door aap ko meri farotani
Uftaada hoon peh saaya-e-qad-e-kasheeda hoon

खेंचे है दूर आप को मेरी फ़रोतनी
उफ़्तादा हूँ पह साया-ए-क़द-ए-कशीदा हूँ

ہر شام مثل شام ہوں میں تیرہ روزگار
ہر صبح مثل صبح گریباں دریدہ ہوں

Har shaam misl-e-shaam hoon main teera-rozgaar
Har subah misl-e-subah garebaan-dareeda hoon

हर शाम मिस्ल-ए-शाम हूँ मैं तीरा-रोज़गार
हर सुबह मिस्ल-ए-सुबह गरेबाँ-दरीदा हूँ

کرتی ہے بوئے گل تو مرے ساتھ اختلاط
پر آہ میں تو موج نسیم دزیدہ ہوں

Karti hai boo-e-gul to mere saath ikhtilaat
Par aah main to mauj-e-naseem-e-duzeeda hoon

करती है बू-ए-गुल तो मिरे साथ इख़्तिलात
पर आह मैं तो मौज-ए-नसीम-ए-दुज़ीदा हूँ

تو چاہتی ہے تو تپش دل کہ بعد مرگ
کنج مزار میں بھی نہ میں آرمیدہ ہوں

Tu chaahti hai to tapish-e-dil keh baad-e-marg
Kunj-e-mazaar mein bhi na main aarmeeda hoon

तू चाहती है तो तपिश-ए-दिल कि ब'अद-ए-मर्ग
कुंज-ए-मज़ार में भी न मैं आरमीदा हूँ

اے دردؔ جا چکا ہے مرا کام ضبط سے
میں غم زدہ تو قطرۂ اشک چکیدہ ہوں

Ae 'Dard' ja chuka hai mera kaam zabt se
Main gham-zada to qatra-e-ashk-e-chakeeda hoon

ऐ 'दर्द' जा चुका है मिरा काम ज़ब्त से
मैं ग़म-ज़दा तो क़तरा-ए-अश्क-ए-चकीदा हूँ