پیغام غم جگر کا گلزار تک نہ پہنچا
نالہ مرا چمن کی دیوار تک نہ پہنچا

Paigham gham jigar ka gulzar tak na pahuncha
Naala mira chaman ki deewar tak na pahuncha

पैग़ाम ग़म जिगर का गुलज़ार तक न पहुँचा
नाला मिरा चमन की दीवार तक न पहुँचा

اس آئنے کے مانند زنگار جس کو کھاوے
کام اپنا اس کے غم میں دیدار تک نہ پہنچا

Us aaine ke maanind zangaar jis ko khaave
Kaam apna us ke gham mein deedar tak na pahuncha

उस आईने के मानिंद ज़ंगार जिस को खावे
काम अपना उस के ग़म में दीदार तक न पहुँचा

جوں نقش پا ہے غربت حیران کار اس کی
آوارہ ہو وطن سے جو یار تک نہ پہنچا

Juun naqsh-e-pa hai ghurbat hairaan kaar uss ki
Aawara ho watan se jo yaar tak na pahuncha

जूं नक़्श-ए-पा है ग़ुर्बत हैरान कार उस की
आवारा हो वतन से जो यार तक न पहुँचा

لبریز شکوہ تھے ہم لیکن حضور تیرے
کار شکایت اپنا گفتار تک نہ پہنچا

Labrez shikwa the hum lekin huzoor tere
Kaar-e-shikaayat apna guftaar tak na pahuncha

लबरेज़ शिकवा थे हम लेकिन हुज़ूर तेरे
कार-ए-शिकायत अपना गुफ़्तार तक न पहुँचा

لے چشم نم رسیدہ پانی چوانے کوئی
وقت اخیر اس کے بیمار تک نہ پہنچا

Le chashm-e-nam-raseeda paani chuwaane koi
Waqt-e-akheer us ke beemaar tak na pahuncha

ले चश्म-ए-नम-रसीदा पानी चुवाने कोई
वक़्त-ए-अख़ीर उस के बीमार तक न पहुँचा

یہ بخت سبز دیکھو باغ زمانہ میں سے
پژمردہ گل بھی اپنی دستار تک نہ پہنچا

Yeh bakht-e-sabz dekho bagh-e-zamana mein se
Pazhmurda gul bhi apni dastaar tak na pahuncha

यह बख़्त-ए-सब्ज़ देखो बाग़-ए-ज़माना में से
पझ़मुर्दा गुल भी अपनी दस्तार तक न पहुँचा

مستوری خوبروئی دونوں نہ جمع ہوویں
خوبی کا کام کس کی اظہار تک نہ پہنچا

Mastoori khoob-royi donon na jama hovein
Khoobi ka kaam kis ki izhaar tak na pahuncha

मस्तूरी ख़ूबरूई दोनों न जमा होवें
ख़ूबी का काम किस की इज़हार तक न पहुँचा

یوسف سے لے کے تا گل پھر گل سے لے کے تا‌ شمع
یہ حسن کس کو لے کر بازار تک نہ پہنچا

Yusuf se le ke taa gul phir gul se le ke taa shama
Yeh husn kis ko le kar bazaar tak na pahuncha

यूसुफ़ से ले के ता गुल फिर गुल से ले के ता शमा
यह हुस्न किस को ले कर बाज़ार तक न पहुँचा

افسوس میرؔ وے جو ہونے شہید آئے
پھر کام ان کا اس کی تلوار تک نہ پہنچا

Afsos 'Mir' ve jo hone shaheed aaye
Phir kaam un ka us ki talwaar tak na pahuncha

अफ़सोस 'मीर' वे जो होने शहीद आए
फिर काम उन का उस की तलवार तक न पहुँचा