رہا گر کوئی تا قیامت سلامت
پھر اک روز مرنا ہے حضرت سلامت

raha gar koī tā qayāmat salāmat
phir ik roz marnā hai hazrat salāmat

रहा गर कोई ता क़यामत सलामत
फिर इक रोज़ मरना है हज़रत सलामत

جگر کو مرے عشق خوں نابہ مشرب
لکھے ہے خداوند نعمت سلامت

jigar ko mire ishq-e-ḳhūn-nāba-mashrab
likhe hai ḳhudāvand-e-ne'mat salāmat

जिगर को मिरे इश्क़-ए-ख़ून-नाबा-मशरब
लिखे है ख़ुदावंद-ए-ने'मत सलामत

علی الرغم دشمن شہید وفا ہوں
مبارک مبارک سلامت سلامت

'alā-raġhm-e-dushman shahīd-e-vafā hūñ
mubārak mubārak salāmat salāmat

'अला-रग़्म-ए-दुश्मन शहीद-ए-वफ़ा हूँ
मुबारक मुबारक सलामत सलामत

نہیں گر سر و برگ ادراک معنی
تماشاۓ نیرنگ صورت سلامت

nahīñ gar sar-o-barg-e-idrāk-e-ma.anī
tamāshā-e-nairang-e-sūrat salāmat

नहीं गर सर-ओ-बर्ग-ए-इदराक-ए-म'अनी
तमाशा-ए-नैरंग-ए-सूरत सलामत

دو عالم کی ہستی پہ خط فنا کھینچ
دل و دست ارباب ہمت سلامت

do 'ālam kī hastī pe ḳhat̤-e-fanā khīñch
dil o dast-e-arbāb-e-himmat salāmat

दो 'आलम की हस्ती पे ख़त-ए-फ़ना खींच
दिल ओ दस्त-ए-अरबाब-ए-हिम्मत सलामत

نہیں گر بہ کام دل خستہ گردوں
جگر خائی جوش حسرت سلامت

nahīñ gar ba-kām-e-dil-e-ḳhasta gardūñ
jigar-ḳhā.ī-e-josh-e-hasrat salāmat

नहीं गर ब-काम-ए-दिल-ए-ख़स्ता गर्दूँ
जिगर-ख़ाई-ए-जोश-ए-हसरत सलामत

نہ اوروں کی سنتا نہ کہتا ہوں اپنی
سر خستہ دشوار وحشت سلامت

na auroñ kī suntā na kahtā hūñ apnī
sar-e-ḳhasta dushvār-e-vahshat salāmat

न औरों की सुनता न कहता हूँ अपनी
सर-ए-ख़स्ता दुश्वार-ए-वहशत सलामत

وفور بلا ہے ہجوم وفا ہے
سلامت ملامت ملامت سلامت

vufūr-e-balā hai hujūm-e-vafā hai
salāmat malāmat malāmat salāmat

वफ़ूर-ए-बला है हुजूम-ए-वफ़ा है
सलामत मलामत मलामत सलामत

نہ فکر سلامت نہ بیم ملامت
ز خود رفتگی‌ ہائے حیرت سلامت

na fikr-e-salāmat na bīm-e-malāmat
z-ḳhud-raftagī-hā-e-hairat salāmat

न फ़िक्र-ए-सलामत न बीम-ए-मलामत
ज़-ख़ुद-रफ़्तगी-हा-ए-हैरत सलामत

رہے غالبؔ خستہ مغلوب گردوں
یہ کیا بے نیازی ہے حضرت سلامت

rahe 'ġhālib'-e-ḳhasta maġhlūb-e-gardūñ
yeh kyā be-niyāzī hai hazrat salāmat

रहे 'ग़ालिब'-ए-ख़स्ता मग़्लूब-ए-गर्दूँ
यह क्या बे-नियाज़ी है हज़रत सलामत