اس کے کوچے سے جو اٹھ اہل وفا جاتے ہیں
تا نظر کام کرے رو بقفا جاتے ہیں

Us ke kuche se jo uth ahl-e-wafa jaate hain
Ta nazar kaam kare roo-ba-qafa jaate hain

उस के कूचे से जो उठ अहल-ए-वफ़ा जाते हैं
ता नज़र काम करे रू-ब-क़फ़ा जाते हैं

متصل روتے ہی رہیے تو بجھے آتش دل
ایک دو آنسو تو اور آگ لگا جاتے ہیں

Muttasil rote hi rahiye to bujhe aatish-e-dil
Ek do aansu to aur aag laga jaate hain

मुत्तसिल रोते ही रहिए तो बुझे आतिश-ए-दिल
एक दो आँसू तो और आग लगा जाते हैं

وقت خوش ان کا جو ہم بزم ہیں تیرے ہم تو
در و دیوار کو احوال سنا جاتے ہیں

Waqt-e-khush un ka jo hum-bazm hain tere hum to
Dar-o-deewar ko ahwaal suna jaate hain

वक़्त-ए-ख़ुश उन का जो हम-बज़्म हैं तेरे हम तो
दर-ओ-दीवार को अहवाल सुना जाते हैं

جائے گی طاقت پا آہ تو کریے گا کیا
اب تو ہم حال کبھو تم کو دکھا جاتے ہیں

Jaayegi taaqat-e-paa aah to kariye ga kya
Ab to hum haal kabhu tum ko dikha jaate hain

जाएगी ताक़त-ए-पा आह तो करिये गा क्या
अब तो हम हाल कभू तुम को दिखा जाते हैं

ایک بیمار جدائی ہوں میں آپھی تس پر
پوچھنے والے جدا جان کو کھا جاتے ہیں

Ek beemar-e-judaai hoon main aaphi tis par
Poochne wale juda jaan ko kha jaate hain

एक बीमार-ए-जुदाई हूँ मैं आपही तिस पर
पूछने वाले जुदा जान को खा जाते हैं

غیر کی تیغ زباں سے تری مجلس میں تو ہم
آ کے روز ایک نیا زخم اٹھا جاتے ہیں

Ghair ki tegh-e-zubaan se teri majlis mein to hum
Aa ke roz ek naya zakhm utha jaate hain

ग़ैर की तेग़-ए-ज़बाँ से तेरी मज्लिस में तो हम
आ के रोज़ एक नया ज़ख़्म उठा जाते हैं

عرض وحشت نہ دیا کر تو بگولے اتنی
اپنی وادی پہ کبھو یار بھی آ جاتے ہیں

Arz-e-wahshat na diya kar to bagole itni
Apni waadi pe kabhu yaar bhi aa jaate hain

अ़र्ज़-ए-वहशत न दिया कर तो बगोले इतनी
अपनी वादी पे कभू यार भी आ जाते हैं

میرؔ صاحب بھی ترے کوچے میں شب آتے ہیں لیک
جیسے دریوزہ گری کرنے گدا جاتے ہیں

Mir sahib bhi tere kuche mein shab aate hain lek
Jaise daryooza-gari karne gada jaate hain

मीरؔ साहब भी तेरे कूचे में शब आते हैं लेक
जैसे दरयूज़ा-गरी करने गदा जाते हैं