وہ مری چین جبیں سے غم پنہاں سمجھا
راز مکتوب بہ بے ربطی عنواں سمجھا

Woh meri cheen-e-jabeen se gham-e-pinhaan samjha
Raaz-e-maktoob ba be-rabti-e-unwaan samjha

वो मिरी चीन-ए-जबीं से ग़म-ए-पिन्हाँ समझा
राज़-ए-मक़तूब ब बे-रब्ती-ए-उन्वाँ समझा

یک الف بیش نہیں صیقل آئینہ ہنوز
چاک کرتا ہوں میں جب سے کہ گریباں سمجھا

Yak alif besh nahin saiqal-e-aaina hanoz
Chaak karta hoon main jab se ke gareebaan samjha

यक अलिफ़ बेश नहीं सैक़ल-ए-आईना हनोज़
चाक करता हूँ मैं जब से के गरेबाँ समझा

شرح اسباب گرفتاری خاطر مت پوچھ
اس قدر تنگ ہوا دل کہ میں زنداں سمجھا

Sharah-e-asbaab-e-giraftari-e-khaatir mat poochh
Is qadar tang hua dil ke main zindaan samjha

शरह-ए-असबाब-ए-गिरफ़्तारी-ए-ख़ातिर मत पूछ
इस क़दर तंग हुआ दिल के मैं ज़िंदाँ समझा

بد گمانی نے نہ چاہا اسے سرگرم خرام
رخ پہ ہر قطرہ عرق دیدۂ حیراں سمجھا

Bad-gumaani ne na chaaha use sargarm-e-khiraam
Rukh pe har qatra-e-araq deeda-e-hairaan samjha

बद-गुमानी ने न चाहा उसे सरगर्म-ए-ख़िराम
रुख़ पे हर क़तरा-ए-अरक़ दीदा-ए-हैराँ समझा

عجز سے اپنے یہ جانا کہ وہ بد خو ہوگا
نبض خس سے تپش شعلۂ سوزاں سمجھا

Ajz se apne yeh jaana ke woh bad-khoo hoga
Nabz-e-khas se tapish-e-shola-e-sozaan samjha

अज्ज़ से अपने यह जाना के वो बद-ख़ू होगा
नब्ज़-ए-ख़स से तपिश-ए-शोला-ए-सोज़ाँ समझा

سفر عشق میں کی ضعف نے راحت طلبی
ہر قدم سائے کو میں اپنے شبستاں سمجھا

Safar-e-ishq mein ki zo'f ne raahat-talabi
Har qadam saaye ko main apne shabistaan samjha

सफ़र-ए-इश्क़ में की ज़ो'फ़ ने राहत-तलबी
हर क़दम साए को मैं अपने शबिस्ताँ समझा

تھا گریزاں مژۂ یار سے دل تا دم مرگ
دفع پیکان قضا اس قدر آساں سمجھا

Tha grezaan muzha-e-yaar se dil ta dam-e-marg
Daf'a-e-paikaan-e-qaza is qadar aasaan samjha

था गरेज़ाँ मुज़ा-ए-यार से दिल ता दम-ए-मर्ग
दफ़ा-ए-पैकान-ए-क़ज़ा इस क़दर आसाँ समझा

دل دیا جان کے کیوں اس کو وفادار اسدؔ
غلطی کی کہ جو کافر کو مسلماں سمجھا

Dil diya jaan ke kyun us ko wafadaar Asad
Ghalati ki ke jo kaafir ko musalmaan samjha

दिल दिया जान के क्यों उस को वफ़ादार 'असद'
ग़लती की के जो काफ़िर को मुसलमाँ समझा

ہم نے وحشت کدۂ بزم جہاں میں جوں شمع
شعلۂ عشق کو اپنا سر و ساماں سمجھا

Hum ne wahshat-kada-e-bazm-e-jahaan mein joon shama
Shola-e-ishq ko apna sar-o-saamaan samjha

हम ने वहशत-कदा-ए-बज़्मे-जहाँ में जूँ शमा
शोला-ए-इश्क़ को अपना सर-ओ-सामाँ समझा