یوں تمہارے ناتوان شوق منزل بھر چلے
کھائی ٹھوکر گر پڑے گر کر اٹھے اٹھ کر چلے

yoon tumhare natawan-e-shauq manzil bhar chale
khaayi thokar gir pade gir kar uthe uth kar chale

यूँ तुम्हारे नातवान-ए-शौक़ मंज़िल भर चले
खाई ठोकर गिर पड़े गिर कर उठे उठ कर चले

چھوڑ کر بیمار کو یہ کیا قیامت کر چلے
دم نکلنے بھی نہ پایا آپ اپنے گھر چلے

chhod kar bimaar ko yeh kya qayamat kar chale
dam nikalne bhi na paaya aap apne ghar chale

छोड़ कर बीमार को ये क्या क़यामत कर चले
दम निकलने भी न पाया आप अपने घर चले

ہو گیا صیاد برہم اے اسیران قفس
بند اب یہ نالہ و فریاد ورنہ پر چلے

ho gaya sayyaad barham ae aseeraan-e-qafas
band ab yeh naala-o-fariyaad warna par chale

हो गया सय्याद बरहम ऐ असीरान-ए-क़फ़स
बंद अब ये नाला-ओ-फ़रियाद वरना पर चले

کس طرح طے کی ہے منزل عشق کی ہم نے نہ پوچھ
تھک گئے جب پاؤں تیرا نام لے لے کر چلے

kis tarah tay ki hai manzil ishq ki humne na poochh
thak gaye jab paaoon tera naam le le kar chale

किस तरह तय की है मंज़िल इश्क़ की हमने न पूछ
थक गए जब पाँव तेरा नाम ले ले कर चले

آ رہے ہیں اشک آنکھوں میں اب اے ساقی نہ چھیڑ
بس چھلکنے کی کسر باقی ہے ساغر بھر چلے

aa rahe hain ashk aankhon mein ab ae saaqi na chhed
bas chhalakne ki kasar baaqi hai saagar bhar chale

आ रहे हैं अश्क आँखों में अब ऐ साक़ी न छेड़
बस छलकने की कसर बाक़ी है सागर भर चले

جب بھی خالی ہاتھ تھے اور اب بھی خالی ہاتھ ہیں
لے کے ہم دنیا میں کیا آئے تھے کیا لے کر چلے

jab bhi khaali haath the aur ab bhi khaali haath hain
le ke hum duniya mein kya aaye the kya le kar chale

जब भी खाली हाथ थे और अब भी खाली हाथ हैं
ले के हम दुनिया में क्या आए थे क्या ले कर चले

حسن کو غمگین دیکھے عشق یہ ممکن نہیں
روک لے اے شمع آنسو اب پتنگے مر چلے

husn ko ghamgeen dekhe ishq yeh mumkin nahin
rok le ae shama aansu ab patange mar chale

हुस्न को ग़मगीन देखे इश्क़ ये मुमकिन नहीं
रोक ले ऐ शम्अ आँसू अब पतंगे मर चले

اس طرف بھی اک نظر ہم بھی کھڑے ہیں دیر سے
مانگنے والے تمہارے در سے جھولی بھر چلے

is taraf bhi ik nazar hum bhi khade hain der se
maangne waale tumhare dar se jholi bhar chale

इस तरफ़ भी इक नज़र हम भी खड़े हैं देर से
माँगने वाले तुम्हारे दर से झोली भर चले

اے قمرؔ شب ختم ہونے کو ہے چھوڑو انتظار
ساحل شب سے ستارے بھی کنارہ کر چلے

ae qamar shab khatm hone ko hai chhodo intezaar
saahil-e-shab se sitaare bhi kinaara kar chale

ऐ क़मर शब ख़त्म होने को है छोड़ो इंतज़ार
साहिल-ए-शब से सितारे भी किनारा कर चले