کل میرؔ نے کیا کیا کی مے کے لیے بیتابی
آخر کو گرو رکھا سجادۂ محرابی

Kal Mir ne kya kya ki mai ke liye betaabi
Aakhir ko girau rakha sajjada-e-mehraabi

कल मीर ने क्या क्या की मय के लिए बेताबी
आख़िर को गिरौ रखा सज्जादा-ए-मेहराबी

جاگا ہے کہیں وہ بھی شب مرتکب مے ہو
یہ بات سجھاتی ہے ان آنکھوں کی بے خوابی

Jaaga hai kahin voh bhi shab murtakib mai ho
Yeh baat sujhaati hai un aankhon ki be-khwaabi

जागा है कहीं वो भी शब मुर्तकिब मय हो
ये बात सुझाती है उन आँखों की बे-ख़्वाबी

کیا شہر میں گنجائش مجھ بے سر و پا کو ہو
اب بڑھ گئے ہیں میرے اسباب کم اسبابی

Kya sheher mein gunjaaish mujh be-sar-o-pa ko ho
Ab badh gaye hain mere asbaab-e-kam-asbaabi

क्या शहर में गुंजाइश मुझ बे-सर-ओ-पा को हो
अब बढ़ गए हैं मेरे असबाब-ए-कम-अस्बाबी

دن رات مری چھاتی جلتی ہے محبت میں
کیا اور نہ تھی جاگا یہ آگ جو یاں دابی

Din raat miri chhaati jalti hai mohabbat mein
Kya aur na thi jaaga yeh aag jo yaan daabi

दिन रात मिरी छाती जलती है मुहब्बत में
क्या और न थी जागा ये आग जो याँ दाबी

سو ملک پھرا لیکن پائی نہ وفا اک جا
جی کھا گئی ہے میرا اس جنس کی نایابی

Sau mulk phira lekin paayi na wafa ik jaa
Jee kha gayi hai mera is jins ki nayaabi

सौ मुल्क फिरा लेकिन पाई न वफ़ा इक जा
जी खा गई है मेरा इस जिन्स की नायाबी

خوں بستہ نہ کیوں پلکیں ہر لحظہ رہیں میری
جاتے نہیں آنکھوں سے لب یار کے عنابی

Khoon-basta na kyun palkein har lahza rahein meri
Jaate nahin aankhon se lab yaar ke unnaabi

ख़ूँ-बस्ता न क्यों पलकें हर लहज़ा रहें मेरी
जाते नहीं आँखों से लब यार के उन्नाबी

جنگل ہی ہرے تنہا رونے سے نہیں میرے
کوہوں کی کمر تک بھی جا پہنچی ہے سیرابی

Jangal hi hare tanha rone se nahin mere
Kohon ki kamar tak bhi ja pahunchi hai seraabi

जंगल ही हरे तन्हा रोने से नहीं मेरे
कोहों की कमर तक भी जा पहुँची है सैराबी

تھے ماہ وشاں کل جو ان کوٹھوں پہ جلوے میں
ہے خاک سے آج ان کی ہر صحن میں مہتابی

The maah-vashaan kal jo un kothon pe jalwe mein
Hai khaak se aaj un ki har sehn mein mehtaabi

थे माह-वशाँ कल जो उन कोठों पे जल्वे में
है ख़ाक से आज उन की हर सहन में महताबी

کل میرؔ جو یاں آیا طور اس کا بہت بھایا
وہ خشک لبی تس پر جامہ گلے میں آبی

Kal Mir jo yaan aaya taur us ka bahut bhaaya
Voh khushk-labi tis par jaama gale mein aabi

कल मीर जो याँ आया तौर उस का बहुत भाया
वो ख़ुश्क-लबी तिस पर जामा गले में आबी