کل بارے ہم سے اس سے ملاقات ہو گئی
دو دو بچن کے ہونے میں اک بات ہو گئی

Kal baare hum se us se mulaqat ho gayi
Do do bachan ke hone mein ik baat ho gayi

कल बारे हम से उस से मुलाक़ात हो गई
दो दो बचन के होने में इक बात हो गई

کن کن مصیبتوں سے ہوئی صبح شام ہجر
سو زلفیں ہی بناتے اسے رات ہو گئی

Kin kin musibaton se hui subh shaam hijr
Sau zulfein hi banaate use raat ho gayi

किन किन मुसीबतों से हुई सुब्ह शाम हिज्र
सौ ज़ुल्फ़ें ही बनाते उसे रात हो गई

گردش نگاہ مست کی موقوف ساقیا
مسجد تو شیخ جی کی خرابات ہو گئی

Gardish nigaah mast ki mauqoof saqiya
Masjid to sheikh ji ki kharabaat ho gayi

गर्दिश निगाह मस्त की मौक़ूफ़ साक़िया
मस्जिद तो शैख़ जी की ख़राबात हो गई

ڈر ظلم سے کہ اس کی جزا بس شتاب ہے
آیا عمل میں یاں کہ مکافات ہو گئی

Dar zulm se ke us ki jaza bas shitaab hai
Aaya amal mein yaan ke mukafaat ho gayi

डर ज़ुल्म से कि उस की जज़ा बस शिताब है
आया अमल में याँ कि मुकाफ़ात हो गई

خورشید سا پیالۂ مے بے طلب دیا
پیر مغاں سے رات کرامات ہو گئی

Khursheed sa piyala-e-mai be-talab diya
Peer-e-mughan se raat karamaat ho gayi

ख़ुर्शीद सा पियाल-ए-मय बे-तलब दिया
पीर-ए-मुग़ाँ से रात करामात हो गई

کتنا خلاف وعدہ ہوا ہوگا وہ کہ یاں
نومیدی و امید مساوات ہو گئی

Kitna khilaaf waada hua hoga woh ke yaan
Naumeedi o umeed masaawaat ho gayi

कितना ख़िलाफ़ वादा हुआ होगा वोह कि याँ
नाउमीदी ओ उम्मीद मसावात हो गई

آ شیخ گفتگوے پریشاں پہ تو نہ جا
مستی میں اب تو قبلۂ حاجات ہو گئی

Aa sheikh guftagoo-e-pareshaan pe to na ja
Masti mein ab to qibla-e-haajaat ho gayi

आ शैख़ गुफ़्तगू-ए-परेशाँ पे तो न जा
मस्ती में अब तो क़िबल-ए-हाजात हो गई

ٹک شہر سے نکل کے مرا گریہ سیر کر
گویا کہ کوہ و دشت پہ برسات ہو گئی

Tuk shehr se nikal ke mira girya sair kar
Goya ke koh o dasht pe barsaat ho gayi

टुक शहर से निकल के मिरा गिर्या सैर कर
गोया कि कोह ओ दश्त पे बरसात हो गई

دیدار کی گرسنگی اپنی یہیں سے دیکھ
اک ہی نگاہ یاروں کی اوقات ہو گئی

Deedar ki girsangi apni yahin se dekh
Ik hi nigaah yaaron ki auqaat ho gayi

दीदार की गिरसंगी अपनी यहीं से देख
इक ही निगाह यारों की औक़ात हो गई

اپنے تو ہونٹ بھی نہ ہلے اس کے روبرو
رنجش کی وجہ میرؔ وہ کیا بات ہو گئی

Apne to hont bhi na hile us ke rubaru
Ranjish ki vajah Mir woh kya baat ho gayi

अपने तो होंट भी न हिले उस के रूबरू
रंजिश की वजह 'मीर' वोह क्या बात हो गई