چارہ سازوں کی اذیت نہیں دیکھی جاتی
تیرے بیمار کی حالت نہیں دیکھی جاتی

Chaara-saazon ki aziyyat nahin dekhi jaati
Tere beemaar ki haalat nahin dekhi jaati

चारा-साज़ों की अज़ीयत नहीं देखी जाती
तेरे बीमार की हालत नहीं देखी जाती

دینے والے کی مشیت پہ ہے سب کچھ موقوف
مانگنے والے کی حاجت نہیں دیکھی جاتی

Dene waale ki mashiyyat pe hai sab kuchh mauqoof
Maangne waale ki haajat nahin dekhi jaati

देने वाले की मशिय्यत पे है सब कुछ मौक़ूफ़
माँगने वाले की हाजत नहीं देखी जाती

دن بہل جاتا ہے لیکن ترے دیوانوں کی
شام ہوتی ہے تو وحشت نہیں دیکھی جاتی

Din behal jaata hai lekin tire deewaanon ki
Shaam hoti hai to wehshat nahin dekhi jaati

दिन बहल जाता है लेकिन तिरे दीवानों की
शाम होती है तो वहशत नहीं देखी जाती

تمکنت سے تجھے رخصت تو کیا ہے لیکن
ہم سے ان آنکھوں کی حسرت نہیں دیکھی جاتی

Tamkanat se tujhe rukhsat to kiya hai lekin
Hum se un aankhon ki hasrat nahin dekhi jaati

तमकेनत से तुझे रुख़्सत तो किया है लेकिन
हम से उन आँखों की हसरत नहीं देखी जाती

کون اترا ہے یہ آفاق کی پہنائی میں
آئنہ خانے کی حیرت نہیں دیکھی جاتی

Kaun utra hai yeh aafaaq ki pehnaai mein
Aaina-khaane ki hairat nahin dekhi jaati

कौन उतरा है यह आफ़ाक़ की पहनाई में
आईना-ख़ाने की हैरत नहीं देखी जाती