کئی دن سلوک وداع کا مرے درپے دل زار تھا
کبھو درد تھا کبھو داغ تھا کبھو زخم تھا کبھو وار تھا

Kai din sulook-e-widaa ka mere dar-pai-e-dil-e-zaar tha
Kabhu dard tha kabhu daagh tha kabhu zakhm tha kabhu waar tha

कई दिन सुलूक-ए-विदाअ का मिरे दर-पय-ए-दिल-ए-ज़ार था
कभू दर्द था कभू दाग़ था कभू ज़ख़्म था कभू वार था

دم صبح بزم خوش جہاں شب غم سے کم نہ تھی مہرباں
کہ چراغ تھا سو تو دود تھا جو پتنگ تھا سو غبار تھا

Dam-e-subh bazm-e-khush-e-jahaan shab-e-gham se kam na thi meherbaan
Ke chiraagh tha so to dood tha jo patang tha so ghubaar tha

दम-ए-सुब्ह बज़्म-ए-ख़ुश-ए-जहाँ शब-ए-ग़म से कम न थी मेहरबाँ
के चराग़ था सो तो दूद था जो पतंग था सो ग़ुबार था

دل خستہ لوہو جو ہو گیا تو بھلا ہوا کہ کہاں تلک
کبھو سوز سینہ سے داغ تھا کبھو درد و غم سے فگار تھا

Dil-e-khasta lohu jo ho gaya to bhala hua ke kahaan talak
Kabhu soz-e-seena se daagh tha kabhu dard-o-gham se figaar tha

दिल-ए-ख़स्ता लोहू जो हो गया तो भला हुआ कि कहाँ तलक
कभू सोज़-ए-सीना से दाग़ था कभू दर्द-ओ-ग़म से फ़िगार था

دل مضطرب سے گزر گئی شب وصل اپنی ہی فکر میں
نہ دماغ تھا نہ فراغ تھا نہ شکیب تھا نہ قرار تھا

Dil-e-muztarib se guzar gayi shab-e-wasl apni hi fikr mein
Na dimaagh tha na faraagh tha na shakeb tha na qaraar tha

दिल-ए-मुज़्तरिब से गुज़र गई शब-ए-वस्ल अपनी ही फ़िक्र में
न दिमाग़ था न फ़राग़ था न शकेब था न क़रार था

جو نگاہ کی بھی پلک اٹھا تو ہمارے دل سے لہو بہا
کہ وہیں وہ ناوک بے خطا کسو کے کلیجے کے پار تھا

Jo nigaah ki bhi palak utha to hamare dil se lahu baha
Ke wahin woh naawak-e-be-khata kisu ke kaleje ke paar tha

जो निगाह की भी पलक उठा तो हमारे दिल से लहू बहा
के वहीं वो नावक-ए-बे-ख़ता किसू के कलेजे के पार था

یہ تمہاری ان دنوں دوستاں مژہ جس کے غم میں ہے خوں چکاں
وہی آفت دل عاشقاں کسو وقت ہم سے بھی یار تھا

Yeh tumhari in dinon dostaan muzha jiske gham mein hai khoon-chakaan
Wohi aafat-e-dil-e-aashiqaan kisu waqt hum se bhi yaar tha

ये तुम्हारी इन दिनों दोस्ताँ मुज़ा जिसके ग़म में है ख़ूँ-चकाँ
वोही आफ़त-ए-दिल-ए-आशिक़ाँ किसू वक़्त हम से भी यार था

نہیں تازہ دل کی شکستگی یہی درد تھا یہی خستگی
اسے جب سے ذوق شکار تھا اسے زخم سے سروکار تھا

Nahin taaza dil ki shikastagi yahi dard tha yahi khastagi
Use jab se zauq-e-shikaar tha use zakhm se sar-o-kaar tha

नहीं ताज़ा दिल की शिकस्तगी यही दर्द था यही ख़स्तगी
उसे जब से ज़ौक़-ए-शिकार था उसे ज़ख़्म से सर-ओ-कार था

کبھو جائے گی جو ادھر صبا تو یہ کہیو اس سے کہ بے وفا
مگر ایک میرؔ شکستہ پا ترے باغ تازہ میں خار تھا

Kabhu jaayegi jo idhar saba to yeh kehiyo us se ke be-wafa
Magar ek 'Mir' shikasta-paa tere baagh-e-taaza mein khaar tha

कभू जाएगी जो इधर सबा तो ये कहियो उस से के बे-वफ़ा
मगर एक 'मीर' शिकस्ता-पा तिरे बाग़-ए-ताज़ा में ख़ार था