ویسا کہاں ہے ہم سے جیسا کہ آگے تھا تو
اوروں سے مل کے پیارے کچھ اور ہو گیا تو

Waisa kahan hai hum se jaisa ke aage tha tu
Auron se mil ke pyaare kuchh aur ho gaya tu

वैसा कहाँ है हम से जैसा कि आगे था तू
औरों से मिल के प्यारे कुछ और हो गया तू

چالیں تمام بے ڈھب باتیں فریب ہیں سب
حاصل کہ اے شکر لب اب وہ نہیں رہا تو

Chaalen tamaam be-dhab baatein fareb hain sab
Haasil ke ae shakar-lab ab woh nahin raha tu

चालें तमाम बे-ढब बातें फ़रेब हैं सब
हासिल कि ऐ शकर-लब अब वो नहीं रहा तू

جاتے نہیں اٹھائے یہ شور ہر سحر کے
یا اب چمن میں بلبل ہم ہی رہیں گے یا تو

Jaate nahin uthaaye yeh shor har sehar ke
Ya ab chaman mein bulbul hum hi rahenge ya tu

जाते नहीं उठाए ये शोर हर सहर के
या अब चमन में बुलबुल हम ही रहेंगे या तू

آ ابر ایک دو دم آپس میں رکھیں صحبت
کڑھنے کو ہوں میں آندھی رونے کو ہے بلا تو

Aa abr ek do dam aapas mein rakhein sohbat
Kadhne ko hoon main aandhi rone ko hai bala tu

आ अब्र एक दो दम आपस में रखें सोहबत
कढ़ने को हूँ मैं आँधी रोने को है बला तू

تقریب پر بھی تو تو پہلو تہی کرے ہے
دس بار عید آئی کب کب گلے ملا تو

Taqreeb par bhi tu tu pehlu-tahi kare hai
Das baar eid aayi kab kab gale mila tu

तक़रीब पर भी तू तू पहलू-तही करे है
दस बार ईद आई कब कब गले मिला तू

تیرے دہن سے اس کو نسبت ہو کچھ تو کہیے
گل گو کرے ہے دعویٰ خاطر میں کچھ نہ لا تو

Tere dahan se us ko nisbat ho kuchh to kahiye
Gul go kare hai da'wa khaatir mein kuchh na la tu

तेरे दहन से उस को निस्बत हो कुछ तो कहिए
गुल गो करे है दावा ख़ातिर में कुछ न ला तू

دل کیونکے راست آوے دعواے آشنائی
دریائے حسن وہ مہ کشتی بکف گدا تو

Dil kyonke raast aawe da'wa-e-aashnaai
Dariya-e-husn woh meh kishti-ba-kaf gada tu

दिल क्योंके रास्त आवे दावा-ए-आशनाई
दरिया-ए-हुस्न वो मह किश्ती-ब-कफ़ गदा तू

ہر فرد یاس ابھی سے دفتر ہے تجھ گلے کا
ہے قہر جب کہ ہوگا حرفوں سے آشنا تو

Har fard yaas abhi se daftar hai tujh gile ka
Hai qahar jab ke hoga harfon se aashna tu

हर फ़र्द यास अभी से दफ़्तर है तुझ गिले का
है क़हर जब कि होगा हर्फ़ों से आश्ना तू

عالم ہے شوق کشتہ خلقت ہے تیری رفتہ
جانوں کی آرزو تو آنکھوں کا مدعا تو

Aalam hai shauq-kushta khilqat hai teri rafta
Jaanon ki aarzoo tu aankhon ka mudda'a tu

आलम है शौक़-कुश्ता ख़िल्क़त है तेरी रफ़्ता
जानों की आरज़ू तू आँखों का मुद्दआ तू

منہ کریے جس طرف کو سو ہی تری طرف ہے
پر کچھ نہیں ہے پیدا کیدھر ہے اے خدا تو

Munh kariye jis taraf ko so hi teri taraf hai
Par kuchh nahin hai paida kidhar hai ae khuda tu

मुँह करिए जिस तरफ़ को सो ही तेरी तरफ़ है
पर कुछ नहीं है पैदा किधर है ऐ ख़ुदा तू

آتی بہ خود نہیں ہے باد بہار اب تک
دو گام تھا چمن میں ٹک ناز سے چلا تو

Aati ba-khud nahin hai baad-e-bahaar ab tak
Do gaam tha chaman mein tik naaz se chala tu

आती ब-ख़ुद नहीं है बाद-ए-बहार अब तक
दो गाम था चमन में टिक नाज़ से चला तू

کم میری اور آنا کم آنکھ کا ملانا
کرنے سے یہ ادائیں ہے مدعا کہ جا تو

Kam meri aur aana kam aankh ka milaana
Karne se yeh adaayein hai mudda'a ke ja tu

कम मेरी और आना कम आँख का मिलाना
करने से ये अदाएँ है मुद्दआ कि जा तू

گفت و شنود اکثر میرے ترے رہے ہے
ظالم معاف رکھیو میرا کہا سنا تو

Guft-o-shunood aksar mere tere rahe hai
Zaalim ma'af rakhiyo mera kaha suna tu

गुफ़्त-ओ-शुनूद अक्सर मेरे तेरे रहे है
ज़ालिम माफ़ रखियो मेरा कहा सुना तू

کہہ سانجھ کے موئے کو اے میرؔ روئیں کب تک
جیسے چراغ مفلس اک دم میں جل بجھا تو

Keh saanjh ke mue ko ae 'Mir' roein kab tak
Jaise chiraagh-e-muflis ik dam mein jal bujha tu

कह साँझ के मुए को ऐ 'मीर' रोएँ कब तक
जैसे चराग़-ए-मुफ़्लिस इक दम में जल बुझा तू