گئے موسم میں جو کھلتے تھے گلابوں کی طرح
دل پہ اتریں گے وہی خواب عذابوں کی طرح

Gaye mausam mein jo khilte the gulaabon ki tarah
Dil pe utrenge wahi khwaab azaabon ki tarah

गए मौसम में जो खिलते थे गुलाबों की तरह
दिल पे उतरेंगे वही ख़्वाब अज़ाबों की तरह

راکھ کے ڈھیر پہ اب رات بسر کرنی ہے
جل چکے ہیں مرے خیمے مرے خوابوں کی طرح

Raakh ke dher pe ab raat basar karni hai
Jal chuke hain mere khaime mere khwaabon ki tarah

राख के ढेर पे अब रात बसर करनी है
जल चुके हैं मेरे ख़ैमे मेरे ख़्वाबों की तरह

ساعت دید کہ عارض ہیں گلابی اب تک
اولیں لمحوں کے گلنار حجابوں کی طرح

Sa'at-e-deed ke aariz hain gulaabi ab tak
Awwaleen lamhon ke gulnaar hijaabon ki tarah

साअत-ए-दीद के आरिज़ हैं गुलाबी अब तक
अव्वलीं लम्हों के गुलनार हिजाबों की तरह

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح

Woh samandar hai to phir rooh ko shaadaab kare
Tishnagi kyun mujhe deta hai saraabon ki tarah

वो समंदर है तो फिर रूह को शादाब करे
तिश्नगी क्यों मुझे देता है सराबों की तरह

غیر ممکن ہے ترے گھر کے گلابوں کا شمار
میرے رستے ہوئے زخموں کے حسابوں کی طرح

Ghair mumkin hai tere ghar ke gulaabon ka shumaar
Mere riste huye zakhmon ke hisaabon ki tarah

ग़ैर मुमकिन है तेरे घर के गुलाबों का शुमार
मेरे रिसते हुए ज़ख़्मों के हिसाबों की तरह

یاد تو ہوں گی وہ باتیں تجھے اب بھی لیکن
شیلف میں رکھی ہوئی بند کتابوں کی طرح

Yaad to hon gi woh baatein tujhe ab bhi lekin
Shelf mein rakhi hui band kitaabon ki tarah

याद तो होंगी वो बातें तुझे अब भी लेकिन
शेल्फ़ में रखी हुई बंद किताबों की तरह

کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح

Kaun jaane ke naye saal mein tu kis ko padhe
Tera me'yaar badalta hai nisaabon ki tarah

कौन जाने के नए साल में तू किस को पढ़े
तेरा मे'यार बदलता है निसाबों की तरह

شوخ ہو جاتی ہے اب بھی تری آنکھوں کی چمک
گاہے گاہے ترے دلچسپ جوابوں کی طرح

Shokh ho jaati hai ab bhi teri aankhon ki chamak
Gaahe gaahe tere dilchasp jawaabon ki tarah

शोख़ हो जाती है अब भी तेरी आँखों की चमक
गाहे गाहे तेरे दिलचस्प जवाबों की तरह

ہجر کی شب مری تنہائی پہ دستک دے گی
تیری خوش بو مرے کھوئے ہوئے خوابوں کی طرح

Hijr ki shab meri tanhai pe dastak de gi
Teri khushbu mere khoye huye khwaabon ki tarah

हिज्र की शब मेरी तन्हाई पे दस्तक देगी
तेरी ख़ुशबू मेरे खोए हुए ख़्वाबों की तरह