جب ہر اک شہر بلاؤں کا ٹھکانہ بن جائے
کیا خبر کون کہاں کس کا نشانہ بن جائے

Jab har ek shahar balaon ka thikana ban jaye
Kya khabar kaun kahan kis ka nishana ban jaye

जब हर एक शहर बलाओं का ठिकाना बन जाए
क्या ख़बर कौन कहाँ किस का निशाना बन जाए

عشق خود اپنے رقیبوں کو بہم کرتا ہے
ہم جسے پیار کریں جان زمانہ بن جائے

Ishq khud apne raqeebon ko baham karta hai
Ham jise pyar karein jaan-e-zamana ban jaye

इश्क़ ख़ुद अपने रक़ीबों को बहम करता है
हम जिसे प्यार करें जान-ए-ज़माना बन जाए

اتنی شدت سے نہ مل تو کہ جدائی چاہیں
یہی قربت تری دوری کا بہانہ بن جائے

Itni shiddat se na mil tu ke judai chahein
Yehi qurbat teri doori ka bahana ban jaye

इतनी शिद्दत से न मिल तू कि जुदाई चाहें
यही क़ुर्बत तिरी दूरी का बहाना बन जाए

جو غزل آج ترے ہجر میں لکھی ہے وہ کل
کیا خبر اہل محبت کا ترانہ بن جائے

Jo ghazal aaj tere hijr mein likhi hai wo kal
Kya khabar ahl-e-mohabbat ka tarana ban jaye

जो ग़ज़ल आज तेरे हिज्र में लिखी है वो कल
क्या ख़बर अहल-ए-मोहब्बत का तराना बन जाए

کرتا رہتا ہوں فراہم میں زر زخم کہ یوں
شاید آئندہ زمانوں کا خزانہ بن جائے

Karta rehta hoon faraham mein zar-e-zakhm ke yoon
Shayad aayinda zamanon ka khazana ban jaye

करता रहता हूँ फ़राहम मैं ज़र-ए-ज़ख़्म कि यूँ
शायद आइंदा ज़मानों का ख़ज़ाना बन जाए

اس سے بڑھ کر کوئی انعام ہنر کیا ہے فرازؔ
اپنے ہی عہد میں اک شخص فسانہ بن جائے

Is se barh kar koi inaam-e-hunar kya hai Faraz
Apne hi ahd mein ek shakhs fasana ban jaye

इस से बढ़ कर कोई इनाम-ए-हुनर क्या है फ़राज़
अपने ही अहद में एक शख़्स फ़साना बन जाए