مر مر گئے نظر کر اس کے برہنہ تن میں
کپڑے اتارے ان نے سر کھینچے ہم کفن میں

Mar mar gaye nazar kar us ke barahna tan mein
Kapde utaare un ne sar kheenche hum kafan mein

मर मर गए नज़र कर उस के बरहना तन में
कपड़े उतारे उन ने सर खींचे हम कफ़न में

گل پھول سے کب اس بن لگتی ہیں اپنی آنکھیں
لائی بہار ہم کو زور آوری چمن میں

Gul phool se kab us bin lagti hain apni aankhein
Laai bahaar hum ko zor aawari chaman mein

गुल फूल से कब उस बिन लगती हैं अपनी आँखें
लाई बहार हम को ज़ोर आवरी चमन में

اب لعل نو خط اس کے کم بخشتے ہیں فرحت
قوت کہاں رہے ہے یاقوتی کہن میں

Ab laal-e-nau-khat us ke kam bakhshte hain farhat
Quwwat kahan rahe hai yaqooti-e-kuhan mein

अब लअल-ए-नौ-ख़त उस के कम बख़्शते हैं फ़रहत
क़ुव्वत कहाँ रहे है याक़ूती-ए-कुहन में

یوسف عزیز دلہا جا مصر میں ہوا تھا
پاکیزہ گوہروں کی عزت نہیں وطن میں

Yusuf azeez-e-dilha ja Misr mein hua tha
Paakeezah goharon ki izzat nahin watan mein

यूसुफ़ अज़ीज़-ए-दिल्हा जा मिस्र में हुआ था
पाकीज़ह गोहरों की इज़्ज़त नहीं वतन में

دیر و حرم سے تو تو ٹک گرم ناز نکلا
ہنگامہ ہو رہا ہے اب شیخ و برہمن میں

Dair-o-haram se tu to tuk garm-e-naaz nikla
Hungaama ho raha hai ab shaikh-o-brahman mein

दैर-ओ-हरम से तू तो टुक गर्म-ए-नाज़ निकला
हंगामा हो रहा है अब शैख़-ओ-ब्रहमन में

آ جاتے شہر میں تو جیسے کہ آندھی آئی
کیا وحشتیں کیا ہیں ہم نے دوان پن میں

Aa jaate sheher mein to jaise ke aandhi aayi
Kya wahshatein kya hain hum ne deewaanpan mein

आ जाते शहर में तो जैसे कि आँधी आई
क्या वहशतें क्या हैं हम ने दीवानपन में

ہیں گھاؤ دل پر اپنے تیغ زباں سے سب کی
تب درد ہے ہمارے اے میرؔ ہر سخن میں

Hain ghaao dil par apne tegh-e-zabaan se sab ki
Tab dard hai hamare ae Mir har sukhan mein

हैं घाव दिल पर अपने तेग़-ए-ज़बाँ से सब की
तब दर्द है हमारे ऐ मीरؔ हर सुख़न में