یہ میرؔ ستم کشتہ کسو وقت جواں تھا
انداز سخن کا سبب شور و فغاں تھا

Yeh Mir sitam kushta kisu waqt jawan tha
Andaz sukhan ka sabab shor-o-fighaan tha

ये मीर सितम कुश्ता किसू वक़्त जवाँ था
अंदाज़ सुख़न का सबब शोर-ओ-फ़िग़ाँ था

جادو کی پڑی پرچۂ ابیات تھا اس کا
منہ تکیے غزل پڑھتے عجب سحر بیاں تھا

Jaadu ki padi parcha-e-abiyat tha uss ka
Munh takiye ghazal padhte ajab sihr-bayan tha

जादू की पड़ी पर्चा-ए-अबियात था उस का
मुँह तकिये ग़ज़ल पढ़ते अजब सिहर-बयाँ था

جس راہ سے وہ دل زدہ دلی میں نکلتا
ساتھ اس کے قیامت کا سا ہنگامہ رواں تھا

Jis raah se woh dil-zada Dilli mein nikalta
Saath uss ke qayamat ka sa hangaama rawan tha

जिस राह से वो दिल-ज़दा दिल्ली में निकलता
साथ उस के क़यामत का सा हंगामा रवाँ था

افسردہ نہ تھا ایسا کہ جوں آب زدہ خاک
آندھی تھی بلا تھا کوئی آشوب جہاں تھا

Afsurda na tha aisa ke jun aab-zada khaak
Aandhi thi bala tha koi aashob-e-jahan tha

अफ़्सुर्दह न था ऐसा कि जूँ आब-ज़दा ख़ाक
आँधी थी बला था कोई आशोब-ए-जहाँ था

کس مرتبہ تھی حسرت دیدار مرے ساتھ
جو پھول مری خاک سے نکلا نگراں تھا

Kis martaba thi hasrat-e-deedar mire saath
Jo phool miri khaak se nikla nigran tha

किस मरतबा थी हसरत-ए-दीदार मिरे साथ
जो फूल मिरी ख़ाक से निकला निगराँ था

مجنوں کو عبث دعوی وحشت ہے مجھی سے
جس دن کہ جنوں مجھ کو ہوا تھا وہ کہاں تھا

Majnun ko abas daawa-e-wehshat hai mujhi se
Jis din ke junoon mujh ko hua tha woh kahan tha

मजनूँ को अबस दावा-ए-वहशत है मुझी से
जिस दिन कि जुनूँ मुझ को हुआ था वो कहाँ था

غافل تھے ہم احوال دل خستہ سے اپنے
وہ گنج اسی کنج خرابی میں نہاں تھا

Ghaafil the hum ahwaal-e-dil-e-khasta se apne
Woh ganj isi kunj-e-kharaabi mein nihaan tha

ग़ाफ़िल थे हम अहवाल-ए-दिल-ए-ख़स्ता से अपने
वो गंज इसी कुंज-ए-ख़राबी में निहाँ था

کس زور سے فرہاد نے خارا شکنی کی
ہر چند کہ وہ بیکس و بے تاب و تواں تھا

Kis zor se Farhad ne khaara-shikani ki
Har chand ke woh bekas-o-be-taab-o-tawaan tha

किस ज़ोर से फ़रहाद ने ख़ारा-शिकनी की
हर चंद कि वो बेकस-ओ-बे-ताब-ओ-तवाँ था

گو میرؔ جہاں میں کنھوں نے تجھ کو نہ جانا
موجود نہ تھا تو تو کہاں نام و نشاں تھا

Go Mir jahan mein kinhon ne tujh ko na jaana
Maujood na tha tu to kahan naam-o-nishaan tha

गो मीर जहाँ में किन्हों ने तुझ को न जाना
मौजूद न था तू तो कहाँ नाम-ओ-निशाँ था