سواد شہر مدینہ کے روبرو ہونا
ضروری ہو گیا آنکھوں کا با وضو ہونا

Sawaad-e-shehr-e-Madina ke ru-ba-ru hona
Zaroori ho gaya aankhon ka ba-wuzu hona

सवाद-ए-शहर-ए-मदीना के रूबरू होना
ज़रूरी हो गया आँखों का बा-वज़ू होना

کہاں نصیب میں تکمیل آرزو ہونا
دیار سبز میں اس دل کا سرخ رو ہونا

Kahaan naseeb mein takmeel-e-aarzoo hona
Dayaar-e-sabz mein is dil ka surkh-ru hona

कहाँ नसीब में तकमील-ए-आरज़ू होना
दयार-ए-सब्ज़ में इस दिल का सुर्ख़-रू होना

سماعتوں کے لئے ساعت شگفت گلاب
ہوائے شہر نبوت سے گفتگو ہونا

Sama'aton ke liye sa'at-e-shaguft-e-gulaab
Hawa-e-shehr-e-nabuwwat se guftugoo hona

समाअतों के लिए साअत-ए-शगुफ़्त-ए-गुलाब
हवा-ए-शहर-ए-नबुव्वत से गुफ़्तगू होना

عجب طرح کسی صحرا نشیں کی یاد آئی
کہ چشم خشک مری چاہے آب جو ہونا

Ajab tarah kisi sehra-nasheen ki yaad aayi
Ke chashm-e-khushk miri chaahe aab-joo hona

अजब तरह किसी सहरा-नशीं की याद आई
के चश्म-ए-ख़ुश्क मिरी चाहे आब-जू होना

کھلا ہے نام پہ کیسے طبیب کے لیکن
یہ زخم وہ ہے کہ مانگے نہیں رفو ہونا

Khula hai naam pe kaise tabeeb ke lekin
Ye zakhm woh hai ke maange nahin rafoo hona

खुला है नाम पे कैसे तबीब के लेकिन
ये ज़ख़्म वो है के माँगे नहीं रफ़ू होना

مری جڑیں اسی مٹی میں ہوں مگر چاہوں
خیال طیبہ سے ہی روح کی نمو ہونا

Miri jadein isi matti mein hon magar chaahoon
Khayaal-e-Taiba se hi rooh ki numoo hona

मिरी जड़ें इसी मट्टी में हों मगर चाहूँ
ख़याल-ए-तैबा से ही रूह की नुमू होना

گناہ گار ہوں میں اور چشم پوش ہے تو
بہت ہے تیری نظر کا کبھو کبھو ہونا

Gunaah-gaar hoon main aur chashm-posh hai tu
Bahut hai teri nazar ka kabhu kabhu hona

गुनाह-गार हूँ मैं और चश्म-पोश है तू
बहुत है तेरी नज़र का कभू कभू होना