تم اپنی یاد سے کہہ دو نہ جائے چھوڑ کے دل
کہ درد ہجر نہ رکھ دے کہیں مروڑ کے دل

tum apni yaad se keh do na jaaye chhod ke dil
ke dard-e-hijr na rakh de kahin marod ke dil

तुम अपनी याद से कह दो न जाए छोड़ के दिल
के दर्द-ए-हिज्र न रख दे कहीं मरोड़ के दिल

اب آپ کے مرے گھر تک قدم نہیں آتے
یہ وہ سزا ہے دیا تھا جو ہاتھ جوڑ کے دل

ab aap ke mare ghar tak qadam nahin aate
ye woh saza hai diya tha jo haath jod ke dil

अब आप के मरे घर तक क़दम नहीं आते
ये वो सज़ा है दिया था जो हाथ जोड़ के दिल

خدا رکھے ابھی کمسن ہو قدر کیا جانو
ذرا سی دیر میں رکھ دو گے توڑ پھوڑ کے دل

khuda rakhe abhi kamsin ho qadr kya jaano
zara si der mein rakh do ge tod phod ke dil

ख़ुदा रक्खे अभी कमसिन हो क़द्र क्या जानो
ज़रा सी देर में रख दोगे तोड़ फोड़ के दिल

لیا تھا جیسے اسی طرح پھیر بھی دیتے
یہ کیا کہ پھینک دیا تم نے منہ سکوڑ کے دل

liya tha jaise isi tarah pher bhi dete
ye kya ke phenk diya tum ne munh sukod ke dil

लिया था जैसे इसी तरह फेर भी देते
यह क्या कि फेंक दिया तुम ने मुँह सुकोड़ के दिल

ہمارے ساتھ نہ دیکھی بہار تاروں کی
قمرؔ چلے گئے وہ چاندنی میں توڑ کے دل

hamaare saath na dekhi bahaar taaron ki
qamar chale gaye woh chaandni mein tod ke dil

हमारे साथ न देखी बहार तारों की
क़मर चले गए वो चाँदनी में तोड़ के दिल