آواز کے ہم راہ سراپا بھی تو دیکھوں
اے جان سخن میں تیرا چہرہ بھی تو دیکھوں

Aawaz ke hum raah sarapa bhi to dekhoon
Ae jaan-e-sukhan mein tera chehra bhi to dekhoon

आवाज़ के हम राह सरापा भी तो देखूँ
ऐ जान-ए-सुख़न मैं तेरा चेहरा भी तो देखूँ

دستک تو کچھ ایسی ہے کہ دل چھونے لگی ہے
اس حبس میں بارش کا یہ جھونکا بھی تو دیکھوں

Dastak to kuch aisi hai ke dil chhoone lagi hai
Is habs mein baarish ka yeh jhonka bhi to dekhoon

दस्तक तो कुछ ऐसी है कि दिल छूने लगी है
इस हब्स में बारिश का यह झोंका भी तो देखूँ

صحرا کی طرح رہتے ہوئے تھک گئیں آنکھیں
دکھ کہتا ہے میں اب کوئی دریا بھی تو دیکھوں

Sehra ki tarah rehte hue thak gayin aankhein
Dukh kehta hai main ab koi dariya bhi to dekhoon

सहरा की तरह रहते हुए थक गईं आँखें
दुख कहता है मैं अब कोई दरिया भी तो देखूँ

یہ کیا کہ وہ جب چاہے مجھے چھین لے مجھ سے
اپنے لئے وہ شخص تڑپتا بھی تو دیکھوں

Yeh kya ke woh jab chahe mujhe chheen le mujh se
Apne liye woh shakhs tadapta bhi to dekhoon

यह क्या कि वह जब चाहे मुझे छीन ले मुझ से
अपने लिये वह शख़्स तड़पता भी तो देखूँ

اب تک تو مرے شعر حوالہ رہے تیرا
اب میں تری رسوائی کا چرچا بھی تو دیکھوں

Ab tak to mere sher hawaala rahe tera
Ab main teri ruswaai ka charcha bhi to dekhoon

अब तक तो मेरे शेर हवाला रहे तेरा
अब मैं तेरी रुस्वाई का चर्चा भी तो देखूँ

اب تک جو سراب آئے تھے انجانے میں آئے
پہچانے ہوئے رستوں کا دھوکا بھی تو دیکھوں

Ab tak jo saraab aaye thay anjaane mein aaye
Pehchaane hue raston ka dhoka bhi to dekhoon

अब तक जो सराब आए थे अनजाने में आए
पहचाने हुए रस्तों का धोका भी तो देखूँ