جوشش اشک سے ہوں آٹھ پہر پانی میں
گرچہ ہوتے ہیں بہت خوف و خطر پانی میں

Josish-e-ashk se hoon aath pehar paani mein
Garche hote hain bahut khauf-o-khatar paani mein

जोशिश-ए-अश्क से हूँ आठ पहर पानी में
गरचे होते हैं बहुत ख़ौफ़-ओ-ख़तर पानी में

ضبط گریہ نے جلایا ہے درونہ سارا
دل اچنبھا ہے کہ ہے سوختہ تر پانی میں

Zabt-e-girya ne jalaya hai darona saara
Dil achambha hai ke hai sokhta-tar paani mein

ज़ब्त-ए-गिर्या ने जलाया है दरोना सारा
दिल अचंभा है कि है सोख़्ता-तर पानी में

آب شمشیر قیامت ہے برندہ اس کی
یہ گوارائی نہیں پاتے ہیں ہر پانی میں

Aab-e-shamshir-e-qayamat hai burrinda is ki
Yeh gawaraai nahin paate hain har paani mein

आब-ए-शमशीर-ए-क़यामत है बुर्रिंदा उस की
यह गवाराई नहीं पाते हैं हर पानी में

طبع دریا جو ہو آشفتہ تو پھر طوفاں ہے
آہ بالوں کو پراگندہ نہ کر پانی میں

Taba'-e-darya jo ho aashufta to phir toofaan hai
Aah baalon ko paraganda na kar paani mein

तबा-ए-दरिया जो हो आशुफ़्ता तो फिर तूफ़ाँ है
आह बालों को परागंदा न कर पानी में

غرق آب اشک سے ہوں لیک اڑا جاتا ہوں
جوں سمک گو کہ مرے ڈوبے ہیں پر پانی میں

Gharq aab-e-ashk se hoon lek uda jaata hoon
Joon samak go ke mere doobe hain par paani mein

ग़र्क़ आब-ए-अश्क से हूँ लेक उड़ा जाता हूँ
जूं समक गो कि मिरे डूबे हैं पर पानी में

مردم دیدۂ تر مردم آبی ہیں مگر
رہتے ہیں روز و شب و شام و سحر پانی میں

Mardum-e-deeda-e-tar mardum-aabi hain magar
Rehte hain roz-o-shab o shaam-o-sahar paani mein

मरदुम-ए-दीदा-ए-तर मरदुम-आबी हैं मगर
रहते हैं रोज़-ओ-शब ओ शाम-ओ-सहर पानी में

ہیئت آنکھوں کی نہیں وہ رہی روتے روتے
اب تو گرداب سے آتے ہیں نظر پانی میں

Hai'at aankhon ki nahin woh rahi rote rote
Ab to gird-aab se aate hain nazar paani mein

हइयत आँखों की नहीं वो रही रोते रोते
अब तो गिर्दाब से आते हैं नज़र पानी में

گریۂ شب سے بہت آنکھ ڈرے ہے میری
پاؤں رکتے ہی نہیں بار دگر پانی میں

Girya-e-shab se bahut aankh dare hai meri
Paaon rukte hi nahin baar-e-digar paani mein

गिर्या-ए-शब से बहुत आँख डरे है मेरी
पाँव रुकते ही नहीं बार-ए-दिगर पानी में

فرط گریہ سے ہوا میرؔ تباہ اپنا جہاز
تختہ پارے گئے کیا جانوں کدھر پانی میں

Fart-e-girya se hua Meer tabaah apna jahaaz
Takhta paare gaye kya jaanoon kidhar paani mein

फ़र्त-ए-गिर्या से हुआ 'मीर' तबाह अपना जहाज़
तख़्ता पारे गए क्या जानूँ किधर पानी में