حریف مطلب مشکل نہیں فسون نیاز
دعا قبول ہو یا رب کہ عمر خضر دراز

Harif-e matlab-e mushkil nahin fusoon-e niyaz
Dua qubool ho ya rab ke umr-e Khizr daraaz

हरीफ़-ए-मतलब-ए-मुश्किल नहीं फ़ुसून-ए-नियाज़
दुआ क़ुबूल हो या रब के उम्र-ए-ख़िज़्र दराज़

نہ ہو بہ ہرزہ بیاباں نورد وہم وجود
ہنوز تیرے تصور میں ہے نشیب و فراز

Na ho ba harza bayaabaan-naward-e wahm-e wujood
Hanoz tere tasawwur mein hai nasheb-o-faraaz

न हो ब-हरज़ा बयाबाँ-नवरद-ए-वहम-ए-वुजूद
हनोज़ तेरे तसव्वुर में है नशीब-ओ-फ़राज़

وصال جلوہ تماشا ہے پر دماغ کہاں
کہ دیجے آئنۂ انتظار کو پرداز

Wisaal-e jalwa-tamaasha hai par dimaagh kahaan
Ke deeje aaina-e-intezaar ko pardaaz

विसाल-ए-जल्वा-तमाशा है पर दिमाग़ कहाँ
के दीजे आईन-ए-इंतज़ार को परदाज़

ہر ایک ذرۂ عاشق ہے آفتاب پرست
گئی نہ خاک ہوئے پر ہواۓ جلوۂ ناز

Har ek zarra-e aashiq hai aaftaab-parast
Gayi na khaak hue par hawaa-e jalwa-e naaz

हर एक ज़र्रा-ए-आशिक़ है आफ़ताब-परस्त
गई न ख़ाक हुए पर हवा-ए-जल्वा-ए-नाज़

نہ پوچھ وسعت مے خانۂ جنوں غالبؔ
جہاں یہ کاسۂ گردوں ہے ایک خاک انداز

Na poochh wusat-e maikhana-e junoon 'Ghalib'
Jahaan yeh kaasa-e gardoon hai ek khaak-andaaz

न पूछ वुसअत-ए-मयख़ान-ए-जुनूँ 'ग़ालिब'
जहाँ यह कास-ए-गरदूँ है एक ख़ाक-अंदाज़

فریب صنعت ایجاد کا تماشا دیکھ
نگاہ عکس فروش و خیال آئنہ ساز

Fareb-e san'at-e ijaad ka tamaasha dekh
Nigaah aks-farosh o khayaal aaina-saaz

फ़रेब-ए-सनअत-ए-ईजाद का तमाशा देख
निगाह अक्स-फ़रोश ओ ख़याल आईना-साज़