ہنستے ہو روتے دیکھ کر غم سے
چھیڑ رکھی ہے تم نے کیا ہم سے

Hanste ho rote dekh kar gham se
Chhed rakhi hai tum ne kya ham se

हँसते हो रोते देख कर ग़म से
छेड़ रक्खी है तुम ने क्या हम से

مند گئی آنکھ ہے اندھیرا پاک
روشنی ہے سو یاں مرے دم سے

Mund gayi aankh hai andhera paak
Roshni hai so yaan mere dam se

मुँद गई आँख है अँधेरा पाक
रोशनी है सो याँ मेरे दम से

تم جو دل خواہ خلق ہو ہم کو
دشمنی ہے تمام عالم سے

Tum jo dil-khwah-e-khalq ho ham ko
Dushmani hai tamaam aalam se

तुम जो दिल-ख़्वाह-ए-ख़ल्क़ हो हम को
दुश्मनी है तमाम आलम से

درہمی آ گئی مزاجوں میں
آخر ان گیسوان درہم سے

Darhami aa gayi mizaajon mein
Aakhir in gesuaan-e-darham se

दरहमी आ गई मिज़ाजों में
आख़िर इन गेसुआन-ए-दरहम से

سب نے جانا کہیں یہ عاشق ہے
بہہ گئے اشک دیدۂ نم سے

Sab ne jaana kahin yeh aashiq hai
Beh gaye ashk dida-e-nam se

सब ने जाना कहीं यह आशिक़ है
बह गए अश्क दीदा-ए-नम से

مفت یوں ہاتھ سے نہ کھو ہم کو
کہیں پیدا بھی ہوتے ہیں ہم سے

Muft yun haath se na kho ham ko
Kahin paida bhi hote hain ham se

मुफ़्त यूँ हाथ से न खो हम को
कहीं पैदा भी होते हैं हम से

اکثر آلات جور اس سے ہوئے
آفتیں آئیں اس کے مقدم سے

Aksar aalaat-e-jor uss se hue
Aafatein aayin uss ke maqdam se

अक्सर आलात-ए-जोर उस से हुए
आफ़तें आईं उस के मक़दम से

دیکھ وے پلکیں برچھیاں چلیاں
تیغ نکلی اس ابروئے خم سے

Dekh ve palkein barchhiyaan chaliyaan
Tegh nikli uss abru-e-kham se

देख वे पलकें बरछियाँ चलियाँ
तेग़ निकली उस अबरू-ए-ख़म से

کوئی بیگانہ گر نہیں موجود
منہ چھپانا یہ کیا ہے پھر ہم سے

Koi begaana gar nahin maujood
Munh chhupana yeh kya hai phir ham se

कोई बेगाना गर नहीं मौजूद
मुँह छुपाना यह क्या है फिर हम से

وجہ پردے کی پوچھیے بارے
ملیے اس کے کسو جو محرم سے

Wajah parde ki poochhiye baare
Miliye uss ke kisu jo mehram se

वजह पर्दे की पूछिए बारे
मिलिए उस के किसू जो महरम से

درپئے خون میرؔ ہی نہ رہو
ہو بھی جاتا ہے جرم آدم سے

Dar-pai-e-khoon-e-'Mir' hi na raho
Ho bhi jaata hai jurm aadam se

दर-पै-ए-ख़ून-ए-'मीर' ही न रहो
हो भी जाता है जुर्म आदम से