تم میں جو بات ہے وہ بات نہیں آئی ہے
کیا یہ تصویر کسی غیر سے کھنچوائی ہے

Tum mein jo baat hai wo baat nahin aai hai
Kya yeh tasveer kisi gair se khinchwai hai

तुम में जो बात है वो बात नहीं आई है
क्या यह तस्वीर किसी ग़ैर से खिंचवाई है

دیکھیں کیسا تمہیں دعوائے مسیحائی ہے
آج بیمار نے مرنے کی قسم کھائی ہے

Dekhein kaisa tumhein daawaye maseehai hai
Aaj bimaar ne marne ki qasam khaai hai

देखें कैसा तुम्हें दावत-ए-मसीहाई है
आज बीमार ने मरने की क़सम खाई है

بس یہ روداد محبت یہیں رہنے دیجے
آگے کہتا ہوں تو سرکار کی رسوائی ہے

Bas yeh rudaad-e-mohabbat yaheen rehne deeje
Aage kehta hoon to sarkar ki rusvaai hai

बस यह रूदाद-ए-मोहब्बत यहीं रहने दीजे
आगे कहता हूँ तो सरकार की रुसवाई है

کثرت رنج و الم یاس و تمنا کا ہجوم
کتنے ہنگاموں کی مہماں مری تنہائی ہے

Kasrat-e-ranj-o-alam yaas-o-tamanna ka hujoom
Kitne hangamon ki mehmaan meri tanhai hai

कसरत-ए-रंज-ओ-अलम यास-ओ-तमन्ना का हुजूम
कितने हंगामों की मेहमाँ मेरी तन्हाई है

کیوں سناؤں میں تجھے وعدہ خلافی تیری
کیوں کہلواؤں کہ دیوانہ ہے سودائی ہے

Kyun sunaun mein tujhe waada khilafi teri
Kyun kehlaun ke deewana hai saudai hai

क्यों सुनाऊँ मैं तुझे वादा ख़िलाफ़ी तेरी
क्यों कहलाऊँ कि दीवाना है सौदाई है

خوب صیاد ستا جور کر ایذا پہنچا
اب تو تقدیر ترے دام میں لے آئی ہے

Khoob sayyaad sata jaur kar eeza pahuncha
Ab to taqdeer tere daam mein le aai hai

खूब सैयाद सता जौर कर ईज़ा पहुँचा
अब तो तक़दीर तेरे दाम में ले आई है

گوشۂ چشم سے باہر ہوئی سرمے کی لکیر
خیر ہو میان سے تلوار نکل آئی ہے

Gosha-e-chashm se baahar hui surme ki lakeer
Khair ho miyaan se talvaar nikal aai hai

गोशा-ए-चश्म से बाहर हुई सुरमे की लकीर
ख़ैर हो म्यान से तलवार निकल आई है

بے کسی میں بھی مریض ان کا اکیلا نہ رہے
وہ ادھر اٹھ کے گئے اور قضا آئی ہے

Be-kasi mein bhi mareez un ka akela na rahe
Wo idhar uth ke gaye aur qaza aai hai

बे-कसी में भी मरीज़ उन का अकेला न रहे
वो इधर उठ के गए और क़ज़ा आई है

محفل غیر میں اے اشک نہ آنکھوں سے نکل
تیرے پردے میں کسی شوخ کی رسوائی ہے

Mehfil-e-gair mein ae ashk na aankhon se nikal
Tere parde mein kisi shokh ki rusvaai hai

महफ़िल-ए-ग़ैर में ऐ अश्क न आँखों से निकल
तेरे परदे में किसी शोख़ की रुसवाई है

قطرۂ خوں مرے اس سوختہ دل میں ہے کہاں
کوئی حسرت ترے پیکاں سے لپٹ آئی ہے

Qatra-e-khoon mere is sokhta dil mein hai kahan
Koi hasrat tere paikaan se lipat aai hai

क़तरा-ए-ख़ूँ मेरे इस सोख़्ता दिल में है कहाँ
कोई हसरत तेरे पैकाँ से लिपट आई है

اے قمرؔ چھپ کے وہ آئیں بھی تو کیوں کر آئیں
چاندنی آج سر شام نکل آئی ہے

Ae Qamar chhup ke wo aaein bhi to kyun kar aaein
Chandni aaj sar-e-shaam nikal aai hai

ऐ क़मर छुप के वो आएँ भी तो क्यों कर आएँ
चाँदनी आज सर-ए-शाम निकल आई है