اب وہ گھر اک ویرانہ تھا بس ویرانہ زندہ تھا
سب آنکھیں دم توڑ چکی تھیں اور میں تنہا زندہ تھا

Ab wo ghar ik veerana tha bas veerana zinda tha
Sab aankhen dam tod chuki theen aur main tanha zinda tha

अब वो घर इक वीराना था बस वीराना ज़िंदा था
सब आँखें दम तोड़ चुकी थीं और मैं तन्हा ज़िंदा था

ساری گلی سنسان پڑی تھی باد فنا کے پہرے میں
ہجر کے دالان اور آنگن میں بس اک سایہ زندہ تھا

Saari gali sunsaan padi thi baad-e-fana ke pehre mein
Hijr ke daalaan aur aangan mein bas ik saaya zinda tha

सारी गली सुनसान पड़ी थी बाद-ए-फ़ना के पहरे में
हिज्र के दालान और आँगन में बस इक साया ज़िंदा था

وہ جو کبوتر اس موکھے میں رہتے تھے کس دیس اڑے
ایک کا نام نوازندہ تھا اور اک کا بازندہ تھا

Wo jo kabootar is maukhe mein rehte the kis des ude
Ek ka naam nawaazinda tha aur ik ka baazinda tha

वो जो कबूतर इस मौखे में रहते थे किस देस उड़े
एक का नाम नवाज़िंदा था और इक का बाज़िंदा था

وہ دوپہر اپنی رخصت کی ایسا ویسا دھوکا تھی
اپنے اندر اپنی لاش اٹھائے میں جھوٹا زندہ تھا

Wo dopahar apni rukhsat ki aisa waisa dhoka thi
Apne andar apni laash uthaaye main jhoota zinda tha

वो दोपहर अपनी रुख़सत की ऐसा वैसा धोका थी
अपने अंदर अपनी लाश उठाए मैं झूठा ज़िंदा था

تھیں وہ گھر راتیں بھی کہانی وعدے اور پھر دن گننا
آنا تھا جانے والے کو جانے والا زندہ تھا

Theen wo ghar raaten bhi kahani waade aur phir din ginna
Aana tha jaane waale ko jaane waala zinda tha

थीं वो घर रातें भी कहानी वादे और फिर दिन गिनना
आना था जाने वाले को जाने वाला ज़िंदा था

دستک دینے والے بھی تھے دستک سننے والے بھی
تھا آباد محلہ سارا ہر دروازہ زندہ تھا

Dastak dene waale bhi the dastak sunne waale bhi
Tha aabaad mohalla saara har darwaaza zinda tha

दस्तक देने वाले भी थे दस्तक सुनने वाले भी
था आबाद मोहल्ला सारा हर दरवाज़ा ज़िंदा था

پیلے پتوں کو سہ پہر کی وحشت پرسا دیتی تھی
آنگن میں اک اوندھے گھڑے پر بس اک کوا زندہ تھا

Peele patton ko seh-pehar ki wehshat pursa deti thi
Aangan mein ik aundhe ghade par bas ik kauwa zinda tha

पीले पत्तों को सह-पहर की वहशत पुरसा देती थी
आँगन में इक औंधे घड़े पर बस इक कौवा ज़िंदा था