فصل خزاں میں سیر جو کی ہم نے جائے گل
چھانی چمن کی خاک نہ تھا نقش پائے گل

Fasl-e-khizaan mein sair jo ki humne jaay-e-gul
Chhaani chaman ki khaak na tha naqsh-e-paay-e-gul

फ़स्ल-ए-ख़िज़ाँ में सैर जो की हमने जाए-गुल
छानी चमन की ख़ाक न था नक़्श-ए-पाए-गुल

اللہ رے عندلیب کی آواز دل خراش
جی ہی نکل گیا جو کہا ان نے ہائے گل

Allah re andaleeb ki aawaaz-e-dil-kharaash
Jee hi nikal gaya jo kaha un ne haaye gul

अल्लाह रे अंदलीब की आवाज़-ए-दिल-ख़राश
जी ही निकल गया जो कहा उन ने हाए गुल

مقدور تک شراب سے رکھ انکھڑیوں میں رنگ
یہ چشمک پیالہ ہے ساقی ہوائے گل

Maqdoor tak sharaab se rakh ankhdiyon mein rang
Yeh chashmak-e-pyaala hai saaqi hawaa-e-gul

मक़दूर तक शराब से रख अँखड़ियों में रंग
यह चश्मक-ए-प्याला है साक़ी हवा-ए-गुल

یہ دیکھ سینہ داغ سے رشک چمن ہے یاں
بلبل ستم ہوا نہ جو تو نے بھی کھائے گل

Yeh dekh seena daagh se rashk-e-chaman hai yaan
Bulbul sitam hua na jo tu ne bhi khaaye gul

यह देख सीना दाग़ से रश्क-ए-चमन है याँ
बुलबुल सितम हुआ न जो तू ने भी खाए गुल

بلبل ہزار جی سے خریدار اس کی ہے
اے گل فروش کریو سمجھ کر بہائے گل

Bulbul hazaar jee se khareedaar is ki hai
Ae gul-farosh kariyo samajh kar bahaay-e-gul

बुलबुल हज़ार जी से ख़रीदार इस की है
ऐ गुल-फ़रोश करियो समझ कर बहा-ए-गुल

نکلا ہے ایسی خاک سے کس سادہ رو کی یہ
قابل درود بھیجنے کے ہے صفائے گل

Nikla hai aisi khaak se kis saada-ru ki yeh
Qaabil-e-durood bhejne ke hai safaay-e-gul

निकला है ऐसी ख़ाक से किस सादा-रू की यह
क़ाबिल-ए-दुरूद भेजने के है सफ़ा-ए-गुल

بارے سرشک سرخ کے داغوں سے رات کو
بستر پر اپنے سوتے تھے ہم بھی بچھائے گل

Baare sirishk-e-surkh ke daaghon se raat ko
Bistar par apne sote the hum bhi bichhaaye gul

बारे सिरिश्क-ए-सुर्ख़ के दाग़ों से रात को
बिस्तर पर अपने सोते थे हम भी बिछाए गुल

آ عندلیب صلح کریں جنگ ہو چکی
لے اے زباں دراز تو سب کچھ سوائے گل

Aa andaleeb sulah karein jang ho chuki
Le ae zabaan-daraaz tu sab kuchh siwaay-e-gul

आ अंदलीब सुल्ह करें जंग हो चुकी
ले ऐ ज़बाँ-दराज़ तू सब कुछ सिवा-ए-गुल

گلچیں سمجھ کے چنیو کہ گلشن میں میرؔ کے
لخت جگر پڑے ہیں نہیں برگ ہائے گل

Gul-cheen samajh ke chuniyo ke gulshan mein Mir ke
Lakht-e-jigar pade hain nahin barg-haaye-gul

गुल-चीं समझ के चुनियो कि गुलशन में मीर के
लख़्त-ए-जिगर पड़े हैं नहीं बर्ग-हाए-गुल