مہر کی تجھ سے توقع تھی ستم گر نکلا
موم سمجھے تھے ترے دل کو سو پتھر نکلا

Mehr ki tujh se tawaqqo thi sitam gar nikla
Mom samjhe the tere dil ko so patthar nikla

मेहर की तुझ से तवक़्क़ो थी सितम-गर निकला
मोम समझे थे तिरे दिल को सो पत्थर निकला

داغ ہوں رشک محبت سے کہ اتنا بیتاب
کس کی تسکیں کے لیے گھر سے تو باہر نکلا

Daagh hoon rashk-e-mohabbat se ke itna betaab
Kis ki taskeen ke liye ghar se tu bahar nikla

दाग़ हूँ रश्क-ए-मोहब्बत से कि इतना बेताब
किस की तस्कीं के लिए घर से तू बाहर निकला

جیتے جی آہ ترے کوچے سے کوئی نہ پھرا
جو ستم دیدہ رہا جا کے سو مر کر نکلا

Jeete ji aah tere kooche se koi na phira
Jo sitam deeda raha ja ke so mar kar nikla

जीते जी आह तिरे कूचे से कोई न फिरा
जो सितम-दीदा रहा जा के सो मर कर निकला

دل کی آبادی کی اس حد ہے خرابی کہ نہ پوچھ
جانا جاتا ہے کہ اس راہ سے لشکر نکلا

Dil ki aabadi ki is had hai kharabi ke na pooch
Jaana jaata hai ke is raah se lashkar nikla

दिल की आबादी की इस हद है ख़राबी कि न पूछ
जाना जाता है कि इस राह से लश्कर निकला

اشک تر قطرۂ خوں لخت جگر پارۂ دل
ایک سے ایک عدد آنکھ سے بہہ کر نکلا

Ashk-tar qatra-e-khoon lakht-e-jigar paara-e-dil
Ek se ek adad aankh se beh kar nikla

अश्क-तर क़तरा-ए-ख़ूँ लख़्त-ए-जिगर पारा-ए-दिल
एक से एक अ़दद आँख से बह कर निकला

کنج کاوی جو کی سینے کی غم ہجراں نے
اس دفینے میں سے اقسام جواہر نکلا

Kunj kaavi jo ki seene ki gham-e-hijraan ne
Is dafeene mein se aqsaam-e-jawaahir nikla

कुंज कावी जो की सीने की ग़म-ए-हिज्राँ ने
इस दफ़ीने में से अक़साम-ए-जवाहर निकला

ہم نے جانا تھا لکھے گا تو کوئی حرف اے میرؔ
پر ترا نامہ تو اک شوق کا دفتر نکلا

Hum ne jaana tha likhega tu koi harf ae 'Mir'
Par tera naama to ek shauq ka daftar nikla

हम ने जाना था लिखेगा तू कोई हर्फ़ ऐ 'मीर'
पर तिरा नामा तो इक शौक़ का दफ़्तर निकला