جاں گداز اتنی کہاں آواز عود و چنگ ہے
دل کے سے نالوں کا ان پردوں میں کچھ آہنگ ہے

Jaan gudaaz itni kahan aawaaz ood-o-chang hai
Dil ke se naalon ka in pardon mein kuchh aahang hai

जाँ गुदाज़ इतनी कहाँ आवाज़ ऊद-ओ-चंग है
दिल के से नालों का इन पर्दों में कुछ आहंग है

رو و خال و زلف ہی ہیں سنبل و سبزہ و گل
آنکھیں ہوں تو یہ چمن آئینۂ نیرنگ ہے

Ru-o-khaal-o-zulf hi hain sunbul-o-sabza-o-gul
Aankhein hon to yeh chaman aaina-e-nairang hai

रू-ओ-ख़ाल-ओ-ज़ुल्फ़ ही हैं सुंबुल-ओ-सब्ज़ा-ओ-गुल
आँखें हों तो यह चमन आईन-ए-नैरंग है

بے ستوں کھودے سے کیا آخر ہوئے سب کار عشق
بعد ازاں اے کوہ کن سر ہے ترا اور سنگ ہے

Be-sutoon khode se kya aakhir hue sab kaar-e-ishq
Baad azaan ae koh-kan sar hai tera aur sang hai

बे-सुतून खोदे से क्या आख़िर हुए सब कार-ए-इश्क़
बाद अज़ाँ ऐ कोह-कन सर है तेरा और संग है

آہ ان خوش قامتوں کو کیونکے بر میں لائیے
جن کے ہاتھوں سے قیامت پر بھی عرصۂ تنگ ہے

Aah in khush-qaamaton ko kyonke bar mein laaiye
Jin ke haathon se qayamat par bhi arsa-e-tang hai

आह इन ख़ुश-क़ामतों को क्योंके बर में लाइए
जिन के हाथों से क़यामत पर भी अर्सा-ए-तंग है

عشق میں وہ گھر ہے اپنا جس میں سے مجنوں یہ ایک
نا خلف سارے قبیلے کا ہمارے ننگ ہے

Ishq mein woh ghar hai apna jis mein se Majnoon yeh ek
Na-khalaf saare qabeele ka hamare nang hai

इश्क़ में वो घर है अपना जिस में से मजनूँ यह एक
ना-ख़लफ़ सारे क़बीले का हमारे नंग है

چشم کم سے دیکھ مت قمری تو اس خوش قد کو ٹک
آہ بھی سرد گلستاں شکست رنگ ہے

Chashm-e-kam se dekh mat qumri to is khush-qad ko tuk
Aah bhi sard-e-gulistaan shikast-e-rang hai

चश्म-ए-कम से देख मत क़ुमरी तो इस ख़ुश-क़द को टुक
आह भी सर्द-ए-गुलिस्ताँ शिकस्त-ए-रंग है

ہم سے تو جایا نہیں جاتا کہ یکسر دل میں واں
دو قدم اس کی گلی کی راہ سو فرسنگ ہے

Hum se to jaaya nahin jaata ke yaksar dil mein waan
Do qadam us ki gali ki raah sau farsang hai

हम से तो जाया नहीं जाता कि यकसर दिल में वाँ
दो क़दम उस की गली की राह सौ फ़रसिंग है

ایک بوسے پر تو کی ہے صلح پر اے زود رنج
تجھ کو مجھ کو اتنی اتنی بات اوپر جنگ ہے

Ek bose par to ki hai sulh par ae zood-ranj
Tujh ko mujh ko itni itni baat oopar jang hai

एक बोसे पर तो की है सुल्ह पर ऐ ज़ूद-रंज
तुझ को मुझ को इतनी इतनी बात ऊपर जंग है

پاؤں میں چوٹ آنے کے پیارے بہانے جانے دے
پیش رفت آگے ہمارے کب یہ عذر لنگ ہے

Paaon mein chot aane ke pyaare bahaane jaane de
Pesh-raft aage hamare kab yeh uzr-e-lang hai

पाँव में चोट आने के प्यारे बहाने जाने दे
पेश-रफ़्त आगे हमारे कब यह उज़्र-ए-लंग है

فکر کو نازک خیالوں کے کہاں پہنچے ہیں یار
ورنہ ہر مصرع یہاں معشوق شوخ و شنگ ہے

Fikr ko naazuk-khayaalon ke kahan pahunche hain yaar
Warna har misra yahan mashooq shokh-o-shang hai

फ़िक्र को नाज़ुक-ख़यालों के कहाँ पहुँचे हैं यार
वरना हर मिस्रा यहाँ माशूक़ शोख़-ओ-शंग है

سرسری کچھ سن لیا پھر واہ وا کر اٹھ گئے
شعر یہ کم فہم سمجھے ہیں خیال بنگ ہے

Sarsari kuchh sun liya phir waah waah kar uth gaye
Sher yeh kam-fahm samjhe hain khayaal-e-bang hai

सरसरी कुछ सुन लिया फिर वाह वाह कर उठ गए
शेर यह कम-फ़हम समझे हैं ख़याल-ए-बंग है

صبر بھی کریے بلا پر میرؔ صاحب جی کبھو
جب نہ تب رونا ہی کڑھنا یہ بھی کوئی ڈھنگ ہے

Sabr bhi kariye bala par Mir sahab ji kabhu
Jab na tab rona hi kadhna yeh bhi koi dhang hai

सब्र भी करिये बला पर मीर साहब जी कभू
जब न तब रोना ही कढ़ना यह भी कोई ढंग है