کس حسن سے کہوں میں اس کی خوش اختری کی
اس ماہرو کے آگے کیا تاب مشتری کی

Kis husn se kahun main uss ki khush akhtari ki
Iss maah-ru ke aage kya taab mushtari ki

किस हुस्न से कहूँ मैं उस की ख़ुश अख़्तरी की
इस माहरू के आगे क्या ताब मुश्तरी की

رکھنا نہ تھا قدم یاں جوں باد بے تامل
سیر اس جہاں کی رہرو پر تو نے سرسری کی

Rakhna na tha qadam yaan jun baad be-taammul
Sair iss jahaan ki rah-rau par tu ne sarsari ki

रखना न था क़दम याँ जूँ बाद बे-तअम्मुल
सैर इस जहाँ की रह-रौ पर तू ने सरसरी की

شبہ بحال سگ میں اک عمر صرف کی ہے
مت پوچھ ان نے مجھ سے جو آدمی گری کی

Shibh-e-haal-e-sag mein ik umr sarf ki hai
Mat pooch un ne mujh se jo aadmi-gari ki

शिभ-ए-हाल-ए-सग में इक उम्र सर्फ़ की है
मत पूछ उन ने मुझ से जो आदमी-गरी की

پائے گل اس چمن میں چھوڑا گیا نہ ہم سے
سر پر ہمارے اب کے منت ہے بے پری کی

Paaye gul iss chaman mein chhora gaya na hum se
Sar par hamaare ab ke minnat hai be-pari ki

पा-ए-गुल इस चमन में छोड़ा गया न हम से
सर पर हमारे अब के मिन्नत है बे-परी की

پیشہ تو ایک ہی تھا اس کا ہمارا لیکن
مجنوں کے طالعوں نے شہرت میں یاوری کی

Pesha to ek hi tha uss ka hamaara lekin
Majnun ke taale'on ne shohrat mein yaavari ki

पेशा तो एक ही था उस का हमारा लेकिन
मजनूँ के ताले'ओं ने शोहरत में यावरी की

گریے سے داغ سینہ تازہ ہوئے ہیں سارے
یہ کشت خشک تو نے اے چشم پھر ہری کی

Girye se daagh-e-seena taaza hue hain saare
Yeh kisht-e-khushk tu ne ae chashm phir hari ki

गिर्ये से दाग़-ए-सीना ताज़ा हुए हैं सारे
यह किश्त-ए-ख़ुश्क तू ने ऐ चश्म फिर हरी की

یہ دور تو موافق ہوتا نہیں مگر اب
رکھیے بنائے تازہ اس چرخ چنبری کی

Yeh daur to muwafiq hota nahin magar ab
Rakkhiye banaaye taaza iss charkh-e-chanbari ki

यह दौर तो मुवाफ़िक़ होता नहीं मगर अब
रखिए बनाए ताज़ा इस चर्ख़-ए-चम्बरी की

خوباں تمہاری خوبی تا چند نقل کریے
ہم رنجہ خاطروں کی کیا خوب دلبری کی

Khoobaan tumhaari khoobi ta-chand naql kariye
Hum ranja-khaatiron ki kya khoob dilbari ki

ख़ूबाँ तुम्हारी ख़ूबी ता-चंद नक़्ल करिए
हम रंजा-ख़ातिरों की क्या ख़ूब दिलबरी की

ہم سے جو میرؔ اڑ کر افلاک چرخ میں ہیں
ان خاک میں ملوں کی کاہے کو ہمسری کی

Hum se jo 'Mir' ud kar aflaak-e-charkh mein hain
Un khaak mein milon ki kaahe ko hamsari ki

हम से जो 'मीर' उड़ कर अफ़लाक-ए-चर्ख़ में हैं
उन ख़ाक में मिलों की काहे को हमसरी की