مر رہتے جو گل بن تو سارا یہ خلل جاتا
نکلا ہی نہ جی ورنہ کانٹا سا نکل جاتا

Mar rehte jo gul ban to saara yeh khalal jaata
Nikla hi na ji warna kaanta sa nikal jaata

मर रहते जो गुल बन तो सारा यह ख़लल जाता
निकला ही न जी वर्ना काँटा सा निकल जाता

پیدا ہے کہ پنہاں تھی آتش نفسی میری
میں ضبط نہ کرتا تو سب شہر یہ جل جاتا

Paida hai ke pinhaan thi aatish-nafasi meri
Main zabt na karta to sab shehr yeh jal jaata

पैदा है कि पिन्हाँ थी आतिश-नफ़सी मेरी
मैं ज़ब्त न करता तो सब शहर यह जल जाता

میں گریۂ خونیں کو روکے ہی رہا ورنہ
اک دم میں زمانے کا یاں رنگ بدل جاتا

Main girya-e-khooneen ko roke hi raha warna
Ik dam mein zamaane ka yaan rang badal jaata

मैं गिर्या-ए-ख़ूनीं को रोके ही रहा वर्ना
इक दम में ज़माने का याँ रंग बदल जाता

بن پوچھے کرم سے وہ جو بخش نہ دیتا تو
پرسش میں ہماری ہی دن حشر کا ڈھل جاتا

Bin poochhe karam se woh jo bakhsh na deta to
Pursish mein hamaari hi din hashr ka dhal jaata

बिन पूछे करम से वह जो बख़्श न देता तो
पुर्सिश में हमारी ही दिन हश्र का ढल जाता

استادہ جہاں میں تھا میدان محبت میں
واں رستم اگر آتا تو دیکھ کے ٹل جاتا

Ustaada jahaan mein tha maidaan-e-mohabbat mein
Waan Rustam agar aata to dekh ke tal jaata

उस्तादा जहाँ में था मैदान-ए-मोहब्बत में
वाँ रुस्तम अगर आता तो देख के टल जाता

وہ سیر کا وادی کے مائل نہ ہوا ورنہ
آنکھوں کو غزالوں کی پاؤں تلے مل جاتا

Woh sair ka waadi ke maa'il na hua warna
Aankhon ko ghazaalon ki paaon tale mal jaata

वह सैर का वादी के माइल न हुआ वर्ना
आँखों को ग़ज़ालों की पाँओं तले मल जाता

بے تاب و تواں یوں میں کاہے کو تلف ہوتا
یاقوتی ترے لب کی ملتی تو سنبھل جاتا

Be-taab-o-tawaan yoon main kaahe ko talaf hota
Yaaqooti tere lab ki milti to sambhal jaata

बे-ताब-ओ-तवाँ यूँ मैं काहे को तलफ़ होता
याक़ूती तिरे लब की मिलती तो सँभल जाता

اس سیم بدن کو تھی کب تاب تعب اتنی
وہ چاندنی میں شب کی ہوتا تو پگھل جاتا

Us seem-badan ko thi kab taab-e-ta'ab itni
Woh chaandni mein shab ki hota to pighal jaata

उस सीम-बदन को थी कब ताब-ए-तअब इतनी
वह चाँदनी में शब की होता तो पिघल जाता

مارا گیا تب گزرا بوسے سے ترے لب کے
کیا میرؔ بھی لڑکا تھا باتوں میں بہل جاتا

Maara gaya tab guzra bose se tere lab ke
Kya Mir bhi ladka tha baaton mein behel jaata

मारा गया तब गुज़रा बोसे से तिरे लब के
क्या मीर भी लड़का था बातों में बहल जाता