نہ پھر رکھیں گے تیری رہ میں پا ہم
گئے گزرے ہیں آخر ایسے کیا ہم

Na phir rakhein ge teri rah mein pa hum
Gaye guzre hain aakhir aise kya hum

न फिर रखेंगे तेरी रह में पा हम
गए गुज़रे हैं आख़िर ऐसे क्या हम

کھنچے گی کب وہ تیغ ناز یا رب
رہے ہیں دیر سے سر کو جھکا ہم

Khinche gi kab woh tegh-e-naaz ya rab
Rahe hain der se sar ko jhuka hum

खिंचेगी कब वो तेग़-ए-नाज़ या रब
रहे हैं देर से सर को झुका हम

نہ جانا یہ کہ کہتے ہیں کسے پیار
رہیں بے لطفیاں ہی یاں تو باہم

Na jaana yeh ke kehte hain kise pyaar
Rahein be-lutfiyan hi yaan to baaham

न जाना ये कि कहते हैं किसे प्यार
रहें बे-लुत्फ़ियाँ ही याँ तो बाहम

بنے کیا خال و زلف و خط سے دیکھیں
ہوئے ہیں کتنے یہ کافر فراہم

Bane kya khaal o zulf o khat se dekhein
Hue hain kitne yeh kaafir faraaham

बने क्या ख़ाल-ओ-ज़ुल्फ़-ओ-ख़त से देखें
हुए हैं कितने ये काफ़िर फ़राहम

مرض ہی عشق کا بے ڈول ہے کچھ
بہت کرتے ہیں اپنی سی دوا ہم

Marz hi ishq ka be-dol hai kuch
Bahut karte hain apni si dawa hum

मर्ज़ ही इश्क़ का बे-डौल है कुछ
बहुत करते हैं अपनी सी दवा हम

کہیں پیوند ہوں یا رب زمیں کے
پھریں گے اس سے یوں کب تک جدا ہم

Kahin paiwand hon ya rab zameen ke
Phiren ge is se yun kab tak juda hum

कहीं पैवंद हों या रब ज़मीं के
फिरेंगे इस से यूँ कब तक जुदा हम

ہوس تھی عشق کرنے میں ولیکن
بہت نادم ہوئے دل کو لگا ہم

Hawas thi ishq karne mein walekin
Bahut naadim hue dil ko laga hum

हवस थी इश्क़ करने में वलेकन
बहुत नादिम हुए दिल को लगा हम

کب آگے کوئی مرتا تھا کسی پر
جہاں میں کر گئے رسم وفا ہم

Kab aage koi marta tha kisi par
Jahan mein kar gaye rasm-e-wafa hum

कब आगे कोई मरता था किसी पर
जहाँ में कर गए रस्म-ए-वफ़ा हम

تعارف کیا رہا اہل چمن سے
ہوئے اک عمر کے پیچھے رہا ہم

Taaruf kya raha ahl-e-chaman se
Huye ik umr ke peechhe riha hum

तआरुफ़ क्या रहा अहल-ए-चमन से
हुए इक उम्र के पीछे रिहा हम

موا جس کے لئے اس کو نہ دیکھا
نہ سمجھے میرؔ کا کچھ مدعا ہم

Muwā jis ke liye us ko na dekha
Na samjhe Mir ka kuch mudda'ā hum

मुआ जिस के लिए उस को न देखा
न समझे मीर का कुछ मुद्दआ हम