نہیں وسواس جی گنوانے کے
ہائے رے ذوق دل لگانے کے

Nahin waswas ji ganwane ke
Haaye re zauq dil lagane ke

नहीं वसवस जी गँवाने के
हाए रे ज़ौक़ दिल लगाने के

میرے تغییر حال پر مت جا
اتفاقات ہیں زمانے کے

Mere taghaiyur-e-haal par mat ja
Ittefaqat hain zamane ke

मेरे तग़य्युर-ए-हाल पर मत जा
इत्तिफ़ाक़ात हैं ज़माने के

دم آخر ہی کیا نہ آنا تھا
اور بھی وقت تھے بہانے کے

Dam-e-aakhir hi kya na aana tha
Aur bhi waqt the bahane ke

दम-ए-आख़िर ही क्या न आना था
और भी वक़्त थे बहाने के

اس کدورت کو ہم سمجھتے ہیں
ڈھب ہیں یہ خاک میں ملانے کے

Is kudurat ko hum samajhte hain
Dhab hain yeh khaak mein milane ke

इस कुदूरत को हम समझते हैं
ढब हैं यह ख़ाक में मिलाने के

بس ہیں دو برگ گل قفس میں صبا
نہیں بھوکے ہم آب و دانے کے

Bas hain do barg-e-gul qafas mein saba
Nahin bhooke hum aab-o-daane ke

बस हैं दो बर्ग-ए-गुल क़फ़स में सबा
नहीं भूके हम आब-ओ-दाने के

مرنے پر بیٹھے ہیں سنو صاحب
بندے ہیں اپنے جی چلانے کے

Marne par baithe hain suno saahab
Bande hain apne ji chalane ke

मरने पर बैठे हैं सुनो साहब
बंदे हैं अपने जी चलाने के

اب گریباں کہاں کہ اے ناصح
چڑھ گیا ہاتھ اس دوانے کے

Ab garebaan kahan ke ae naaseh
Chadh gaya haath is diwane ke

अब गरेबाँ कहाँ कि ऐ नासेह
चढ़ गया हाथ इस दिवाने के

چشم نجم سپہر جھپکے ہے
صدقے اس انکھڑیاں لڑانے کے

Chashm-e-najm-e-sipehr jhapke hai
Sadqe is ankhdiyan ladane ke

चश्म-ए-नज्म-ए-सिपेहर झपके है
सदक़े इस अँखड़ियाँ लड़ाने के

دل و دیں ہوش و صبر سب ہی گئے
آگے آگے تمہارے آنے کے

Dil-o-deen hosh-o-sabr sab hi gaye
Aage aage tumhare aane ke

दिल-ओ-दीं होश-ओ-सब्र सब ही गए
आगे आगे तुम्हारे आने के

کب تو سوتا تھا گھر مرے آ کر
جاگے تالا غریب خانے کے

Kab tu sota tha ghar mere aa kar
Jaage taala ghareeb-khaane ke

कब तू सोता था घर मेरे आ कर
जागे ताला ग़रीब-ख़ाने के

مژہ ابرو نگہ سے اس کی میرؔ
کشتہ ہیں اپنے دل لگانے کے

Mizha abru nigah se us ki 'Mir'
Kushta hain apne dil lagane ke

मिज़ा अबरू निगाह से उस की 'मीर'
कुश्ता हैं अपने दिल लगाने के

تیر و تلوار و سیل یکجا ہیں
سارے اسباب مار جانے کے

Teer-o-talwar-o-sail yakja hain
Saare asbaab maar jaane ke

तीर-ओ-तलवार-ओ-सैल यकजा हैं
सारे असबाब मार जाने के